Ravi Teja: ధనుష్ దర్శకుడితో సినిమా ఫిక్స్

ఇప్పుడు వరుస సినిమాలతో ఫుల్ స్వింగ్‌లో ఉన్న హీరోల్లో మాస్ మహారాజా రవితేజ ఒకరు. జయాపజయాలతో సంబంధం లేకుండా, బ్యాక్ టు బ్యాక్ సినిమాల్ని ఈయన లైన్‌లో పెడుతున్నాడు. ఆల్రెడీ పలు ప్రాజెక్టులతో బిజీగా ఉన్న రవితేజ.. తాజాగా ఓ తమిళ దర్శకుడితో మరో చిత్రానికి గ్రీన్ సిగ్నల్ ఇచ్చినట్టు సమాచారం. ఆ దర్శకుడు మరెవరో కాదు.. ధనుష్‌తో ‘మారి’, ‘మారి2’ సినిమాలు తీసిన బాలాజీ మోహన్! ఈ డైరెక్టర్ సిద్ధార్థ్‌తో ‘లవ్ ఫెయిల్యూర్’ అనే మరో సినిమా కూడా తీశాడు.

రవితేజతో ఓ సినిమా చేయాలని బాలాజీ చాలాకాలం నుంచి ప్రయత్నిస్తున్నాడు. తనకు కథ నరేట్ చేసేందుకు సమయం ఇవ్వాలని కోరుతూ వస్తున్నాడు. ఎట్టకేలకు రవితేజ అతని కోరికని మన్నించి, కాస్త సమయం ఇచ్చాడు. అతని ఫైనల్ నరేషన్‌తో ఇంప్రెస్ అయిన రవితేజ.. మరో ఆలోచన చేయకుండా సినిమాకి పచ్చజెండా ఊపేసినట్టు తెలిసింది. ఓ ప్రముఖ బాలీవుడ్ నిర్మాణ సంస్థ ఈ ప్రాజెక్ట్‌ని భారీ బడ్జెట్‌తో నిర్మించనుంది. రవితేజ శైలికి తగినట్టే ఇది ఔట్ అండ్ ఔట్ మాస్ మసాలా ఎంటర్టైనర్‌గా రూపొందనుందట! త్వరలోనే ఈ సినిమాకి సంబంధించి అధికార ప్రకటన రానుంది.

ఇదిలావుండగా.. ప్రస్తుతం రవితేజ చేస్తోన్న సినిమాల్లో రామారావు ఆన్ డ్యూటీ రిలీజ్‌కి ముస్తాబవుతోంది. పోస్ట్ ప్రొడక్షన్ పనుల్లో ఈ చిత్రం.. జూన్ 17వ తేదీన రిలీజ్ కానుంది. అటు.. ధమాకా, రావణాసుర, టైగర్ నాగేశ్వరరావు సినిమాలు సైతం శరవేగంగా షూటింగ్స్ జరుపుకుంటున్నాయి. రవితేజ తీరిక సమయం తీసుకోకుండా, ఏకకాలంలో ఈ సినిమాల చిత్రీకరణల్లో పాల్గొంటున్నాడు.