RC 16: రామ్ చరణ్ 16లో స్టార్ హీరోయిన్ కూతురు?

Rasha Thadani to Join RC 16:’ఆర్ఆర్ఆర్’ సినిమాలో గ్లోబల్ స్టార్ రామ్ చరణ్ జోడీగా ఆలియా భట్ నటించిన సంగతి తెలిసిందే. ఇక ఆ తరువాత రాం చరణ్ హీరోగా నటిస్తున్న ‘గేమ్ ఛేంజర్’లో కియారా అద్వానీ హీరోయిన్ గా నటిస్తోంది. ఇక ‘గేమ్ ఛేంజర్’ తర్వాత రామ్ చరణ్ నటించబోయే RC 16వ సినిమాలో హీరోయిన్ కూడా ఒక స్టార్ కిడ్ అని టాక్ వినిపిస్తోంది. రామ్ చరణ్ హీరోగా ఉప్పెన బుచ్చి బాబు దర్శకత్వంలో ఓ సినిమాను అధికారికంగా ప్రకటించారు. ఆ సినిమాలో హీరోయిన్ అంటూ ఇప్పటికే అనేక పేర్లు తెరమీదకు వచ్చాయి. ఇప్పుడు హీరోయిన్ గా రషా తడానీ పేరు పరిశీలిస్తున్నారనే ప్రచారం జరుగుతోంది.

Rakshasa Kavyam: అరడజను సినిమాలు.. వెనక్కి తగ్గి అక్టోబర్ 13న “రాక్షస కావ్యం”

ఆమె మరెవరో కాదు అనేక తెలుగు సినిమాల్లో హీరోయిన్ గా నటించి, ఈమధ్యనే కేజీఎఫ్ 2లో ప్రధానమంత్రిగా నటించిన బాలీవుడ్ బ్యూటీ రవీనా టాండన్ కుమార్తె రషా. రవీనా భర్త ప్రముఖ బాలీవుడ్ డిస్ట్రిబ్యూటర్, నిర్మాత అనిల్ తడానీ కాగా రామ్ చరణ్, బుచ్చి బాబు సినిమా కోసం రషా తడానీకి ఇటీవల లుక్ టెస్ట్ చేశారని అంటున్నారు. ఆ లుక్ టెస్ట్ విషయంలో RC 16 టీమ్ హ్యాపీగా ఉందని అంటున్నారు. యాక్టింగ్ వర్క్ షాప్ నిర్వహించాలని అందులో కూడా రషా ఓకే అనుకుంటే హీరోయిన్ ఫిక్స్ అయినట్టే అని తెలుస్తోంది. రషా తడానీ ఇప్పటికే హిందీలో ‘రాక్ ఆన్’, ‘కేదార్ నాథ్’ సినిమాల ఫేమ్ అభిషేక్ కపూర్ దర్శకత్వంలో ఒక సినిమా చేస్తున్నారు. అందులో అజయ్ దేవగన్ ఫ్యామిలీకి చెందిన అమన్ హీరోగా నటిస్తున్నాడు.