RamCharan : రామ్ చరణ్ – బాలీవుడ్ – మైథలాజికల్ ..?

గేమ్ ఛేంజర్ సినిమాతో మూడు నాలుగేళ్లు లాక్ అయిపోయిన రామ్ చరణ్ ఇప్పుడు ఆ లోటును భర్తి చేయడానికి రెడీ అవుతున్నాడు. ఓ సినిమా సెట్స్ పై ఉండగానే మరో సినిమాను లైన్లో పెడుతున్నాడు. ప్రస్తుతం బుచ్చిబాబు దర్శకత్వంలో ఆర్సీ 16 ప్రాజెక్ట్ చేస్తున్నాడు. ఎట్టి పరిస్థితుల్లోను ఈ సినిమాను ఇదే ఏడాదిలో దసరా సీజన్లో రిలీజ్ చేసేలా షూటింగ్ చేస్తున్నారు. ఇక ఈ సినిమా అయిపోయిన వెంటనే సుకుమార్‌తో ఆర్సీ 17 మొదలు పెట్టనున్నాడు. పుష్ప2 హిట్ జోష్‌లో ఉన్న సుక్కు ఈసారి రామ్ చరణ్‌తో రంగస్థలంకి మించిన సినిమా ప్లాన్ చేస్తున్నాడు.

Also Read : RC16 : మెగా పవర్ స్టార్ ‘రామ్ చరణ్ 16’ టైటిల్ ఇదేనా..?

ఇక ఆ తర్వాత చరణ్‌ ఎవరు ఊహించని దర్శకులను లైన్లో పెడుతున్నట్టుగా వార్తలు వస్తున్నాయి. ఆర్సీ 18 కోసం ‘హాయ్ నాన్న’ దర్శకుడు శౌర్యువ్‌ చెప్పిన కథకు ఓకె చెప్పాడనే టాక్ ఉండగా ఇప్పుడు బాలీవుడ్ డైరెక్టర్‌తో చర్చలు జరుపుతున్నట్టుగా తెలుస్తుంది. బాలీవుడ్‌లో ‘కిల్’ అనే మూవీ చిన్న సినిమాగా విడుద‌లై సూప‌ర్ హిట్‌గా నిలిచింది. ఈ సినిమాకు నిఖిల్‌ నగేశ్‌ భట్ ద‌ర్శ‌క‌త్వం వ‌హించాడు. యాక్ష‌న్ థ్రిల్ల‌ర్‌గా వ‌చ్చిన ఈ చిత్రంలో యాక్ష‌న్ సీన్స్‌కి బాలీవుడ్‌ ప్రేక్ష‌కుల ఫిదా అయ్యారు. ఇప్పుడు కిల్ సినిమా ద‌ర్శ‌కుడు నిఖిల్‌ నగేశ్‌ భట్‌తో చరణ్ సినిమా చేయబోతున్నాడనే టాక్ నడుస్తోంది. గత కొద్ది నెలలుగా ఇద్దరి మధ్య చర్చలు జరుగుతున్నాయట. ఇది నిఖిల్ న‌గేశ్ భ‌ట్ డ్రీమ్ ప్రాజెక్ట్ అని, మైథాలాజిక‌ల్ మూవీగా రాబోతున్నట్టుగా బాలీవుడ్ వర్గాల సమాచారం. ఇలాంటి వార్తల్లో ఎంతవరకు నిజముందో తెలియదు గానీ, ఇది మాత్రం అస్సలు ఊహించని కాంబినేషన్ అనే చెప్పాలి.