Rakul Preet Singh: రకుల్ వెడ్డింగ్ కార్డు చూశారా.. భలే కొత్తగా ఉందే

Rakul Preet Singh: ఎట్టకేలకు టాలీవుడ్ బ్యూటీ రకుల్ ప్రీత్ సింగ్ పెళ్లి పీటలు ఎక్కనుంది. గతేడాది స్టార్ సెలబ్రిటీలు పెళ్లి పీటలు ఎక్కిన విషయం తెల్సిందే. ఇక ఈ ఏడాది రకుల్ వివాహమాడనుంది. తన ప్రియుడు జాకీ భగ్నానీ చేతనే ఆమె మూడు ముళ్లు వేయించుకోబోతుంది. ఒకప్పుడు టాప్ హీరోయిన్ గా వరుస సినిమాలు చేసిన రకుల్.. ఇప్పుడు కొద్దిగా జోరు తగ్గించింది. కరోనా సమయంలో నటుడు, నిర్మాత అయిన జాకీ భగ్నానితో ప్రేమలో ఉన్నట్లు రకుల్ ప్రకటించిన విషయం తెల్సిందే. అప్పటినుంచి ఈ జంట డేటింగ్ చేస్తూ కనిపించారు. ఎక్కడికి వెళ్లినా కూడా వీరు జంటగానే కనిపించారు. ఇక గతేడాది చివర్లో రకుల్, జాకీ తమ ప్రేమను పెళ్లి వరకు తీసుకొచ్చారు. అధికారికంగా ఇంకా చెప్పనప్పటికీ ఈ నెల రకుల్- జాకీ పెళ్లి జరగనుంది.

ఫిబ్రవరి 22 న వీరి వివాహం గోవాలో అంగరంగ వైభవంగా జరగనుంది. మొదట వీరి వివాహ వేదిక మాల్దీవ్స్ అనుకోగా.. ప్రధాని నరేంద్ర మోదీ ఇచ్చిన పిలుపు మేరకు గోవాలో చేసుకోనున్నట్లు తెలుస్తోంది. ఇక రకుల్ పెళ్లి కార్డు ప్రస్తుతం నెట్టింట వైరల్ గా మారింది. నీలి సముద్ర తీరానా.. పెళ్లి మండపం, రకుల్, జాకీల పేర్లు.. ఆకుపచ్చ చెట్లు, ఎంతో ఆహ్లదమైన వాతావరణాన్ని ఆ వెడ్డింగ్ కార్డుపై ప్రింట్ చేశారు. ఇక ఈ పెళ్ళికి అతికొద్దిమంది స్నేహితులే హాజరుకాబోతున్నట్లు తెలుస్తోంది. ఈ పెళ్లి కోసం రకుల్.. సబ్యసాచి, తరుమ్ తహిల్యానీ, మనీష్ మల్హోత్రాలు డిజైన్ చేసిన డ్రెస్ వేసుకోనుంది. ఇక ఈ విషయం తెలియడంతో అభిమానులు ఆమెకు శుభాకాంక్షలు తెలుపుతున్నారు.