Prabhas: 50 రోజుల్లో రికార్డులని చెల్లాచెదురు చేయడానికి ‘డైనోసర్’ వస్తుంది

కెజియఫ్‌ సిరీస్‌తో ఇండియన్ బాక్సాఫీస్ షేక్ చేసిన ప్రశాంత్ నీల్, ఇండియన్ బాక్సాఫీస్ కే ఒక కొత్త బెంచ్ మార్క్ సెట్ చేసిన బాహుబలి ప్రభాస్ కలిసి.. ఒక సినిమా చేస్తున్నారు అనగానే, ఆ సినిమాపై అంచనాలు ఏ స్థాయిలో ఉంటాయో ప్రత్యేకించి చెప్పాల్సిన అవసరం లేదు. ఆ అంచనాలకి తగ్గట్లే మేకర్స్ సలార్ సినిమాని అనౌన్స్ చేశారు. ఇక అంతకు మించి అనేలా హై ఓల్టేజ్ యాక్షన్ ఎంటర్టైనర్‌గా సలార్‌ను తెరకెక్కిస్తున్నాడు ప్రశాంత్ నీల్. ప్రభాస్ ఫస్ట్ లుక్ ని రివీల్ చేస్తూ.. మోస్ట్ వయోలెంట్ మాన్ అంటూ హైప్‌ని పీక్స్‌కు తీసుకెళ్లాడు. ఈ అంచనాలని మరింత పెంచుతూ ‘సలార్ రెండు పార్ట్స్ గా రిలీజ్ అవుతుంది… మొదటి పార్ట్ పేరు సీజ్ ఫైర్” అంటూ చిన్న టీజర్ ని రిలీజ్ చేసారు. ఈ టీజర్ క్రియేట్ చేసిన సెన్సేషన్ కి ఇండియాలో డిజిటల్ రికార్డ్ మిగలేదు. ‘డార్క్ సెంట్రిక్ థీమ్’తో రూపొందుతున్న ‘సలార్’ సినిమా రేంజ్ ఏంటో నిరూపించింది ఈ టీజర్. సలార్ సినిమా షూటింగ్ దాదాపుగా కంప్లీట్ అయ్యింది. వీలైనంత త్వరగా సలార్ షూటింగ్ పార్ట్ ని కంప్లీట్ చేసి… పోస్ట్ ప్రొడక్షన్ వర్క్ మొదలుపెట్టడానికి ప్రశాంత్ నీల్ రెడీ అవుతున్నాడు.

ఆదిపురుష్ సినిమాలో రాముడిగా కనిపించిన ప్రభాస్… సెప్టెంబర్ 28న రాక్షసుడిగా రాబోతున్నాడు. ఇండియన్ బాక్సాఫీస్ ని షేక్ చేసి… కలెక్షన్స్ కి ఒక కొత్త బెంచ్ మార్క్ ని సెట్ చెయ్యగల సత్తా ఉన్న సలార్ మూవీ.. సరిగ్గా మరో 50 రోజుల్లో ప్రేక్షకుల ముందుకి రాబోతోంది. ఈ విషయాన్ని గుర్తు చేస్తూ 50 రోజుల్లో బాక్సాఫీస్ బద్దలవబోతోంది… అంటూ సోషల్ మీడియాలో సలార్‌ను ట్రెండ్ చేస్తున్నారు ప్రభాస్ ఫ్యాన్స్. అలాగే ఈ మంత్ ఎండింగ్‌ లో సలార్ నుంచి ఫస్ట్ సాంగ్ రిలీజ్‌కు ప్లాన్ చేస్తున్నారు మేకర్స్. టీజర్ ని మించి హైప్ సాంగ్ క్రియేట్ చేస్తే సలార్ బాక్సాఫీస్ ఊచకోత నెక్స్ట్ లెవల్‌కి వెళ్లడం గ్యరెంటీ. ఏదేమైనా.. యాభై రోజుల్లో బాక్సాఫీస్‌ దగ్గర సలార్ అనే భారీ తుఫాన్ రాబోతోందని చెప్పొచ్చు.