Arabic Kuthu challenge : అదరగొట్టేసిన పూజాహెగ్డే
- Follow Us :
-
-
Add as a preferred
source on google
దళపతి విజయ్, పూజా హెగ్డే జంటగా నటించిన “బీస్ట్”లోని పెప్పీ ట్రాక్ “అరబిక్ కుతు” సోషల్ మీడియా ఛాలెంజ్‌గా మారింది. చాలా మంది ప్రముఖులు, ప్రేక్షకులు ఈ సాంగ్ స్టెప్పులు వేస్తూ ఎంజాయ్ చేస్తున్నారు. తాజాగా పూజా హెగ్డే కూడా ఈ ట్రెండ్‌లో చేరింది. తన తాజా మాల్దీవుల పర్యటనలో పూజా ఒక పడవలో “అరబిక్ కుతు” ఛాలెంజ్ చేస్తూ కన్పించింది. అదిరిపోయే స్టెప్పులతో పాటు ఆమె లుక్ కూడా అద్భుతంగా ఉండడంతో అభిమానులు ఈ వీడియోపై లైకుల వర్షం కురిపిస్తున్నారు. “అరబిక్ కుతు” సాంగ్ విషయానికొస్తే… అనిరుధ్ రవిచందర్ స్వరపరిచారు. ఈ పాటను అనిరుధ్ రవిచందర్, జోనితా గాంధీ పాడారు. శివకార్తికేయన్ సాహిత్యం అందించారు. ‘అరబిక్ కుతు’ అనేది అరబిక్ సంగీతం,తమిళ కుతు బీట్‌ల కలయికతో వచ్చిన సాంగ్. ఇప్పుదు సోషల్ మీడియాలో ఈ “అరబిక్ కుతు” ఛాలెంజ్ సంచలనంగా మారింది.
Read Also : 45 ఏళ్ళ ‘సావాసగాళ్ళు’
ఇక పూజా హెగ్డే, తలపతి విజయ్ మొదటిసారిగా ‘బీస్ట్’లో స్క్రీన్ స్పేస్‌ను పంచుకోనున్నారు. దాదాపు దశాబ్దం తర్వాత పూజా హెగ్డే తమిళ చిత్రసీమలోకి తిరిగి అడుగు పెట్టబోతోంది. ఈ నటి చివరిగా 2012లో మిస్కిన్ ‘ముగమూడి’ అనే తమిళ చిత్రం చేసింది. ఇక బ్లాక్ కామెడీ ‘బీస్ట్’కు దర్శకుడు నెల్సన్ దిలీప్‌కుమార్. ఈ చిత్రంలో సెల్వరాఘవన్, యోగి బాబు, షైన్ టామ్ చాకో, వీటీవీ గణేష్, అపర్ణా దాస్, లిల్లిపుట్ ఫరూఖీ, అంకుర్ అజిత్ వికల్, సతీష్ కృష్ణన్, రెడిన్ కింగ్స్లీ మరియు జార్న్ సుర్రావ్‌లు సహాయక పాత్రల్లో నటించనున్నారు. ఈ చిత్రాన్ని సన్ పిక్చర్స్ నిర్మిస్తోంది. మనోజ్ పరమహంస సినిమాటోగ్రఫీ అందించారు.