హ్యాట్రిక్ ఫ్లాప్స్ వచ్చినా.. పూజా హెగ్డే క్రేజ్ ఏ మాత్రం తగ్గడం లేదు. పైగా భారీగా రెమ్యూనరేషన్గా పెంచేసి.. క్రేజీ ఆఫర్స్ అందుకుంటోంది. అలాంటి ఈ బ్యూటీ పవర్ స్టార్ పవన్ కళ్యాణ్ కొత్త సినిమా నుంచి తప్పుకుందని జోరుగా ప్రచారం జరుగుతోంది. అందుకు ఎన్నో కారణాలు కూడా వినిపిస్తున్నాయి.. తాజాగా ఇప్పుడు పవన్ సినిమా వదులుకోవడానికి ఇదే అసలు కారణమని తెలుస్తోంది. మరి పూజా పవన్ని నిజంగానే రిజెక్ట్ చేసిందా..!
ప్రస్తుతం టాలీవుడ్ స్టార్ హీరోయిన్లలో పూజాకు భారీ డిమాండ్ ఉంది. రాదే శ్యామ్, బీస్ట్, ఆచార్య సినిమాలు ఫ్లాప్గా నిలిచినా.. స్టార్ హీరోలకు ఈ ముద్దుగుమ్మే ఫస్ట్ ఛాయిస్గా మారిపోయింది. దాంతో అమ్మడు భారీగానే డిమాండ్ చేస్తోంది. మేకర్స్ కూడా పూజా అడిగినంత ఇచ్చేందుకు రెడీ అవుతున్నారు. ప్రస్తుతం పూరి జగన్నాథ్-విజయ్ దేవరకొండ కాంబినేషన్లో.. ‘జనగణమన’ అనే సినిమా తెరకెక్కుతున్న సంగతి తెలిసిందే. ‘జెజీఎమ్’ పేరుతో వస్తున్న ఈ సినిమాలో పూజా హెగ్డే హీరోయిన్గా నటిస్తోంది. ఈ సినిమా కోసం పూజా దాదాపు 5 కోట్ల వరకు రెమ్యునరేషన్ తీసుకోనున్నట్లు టాక్ వినిపిస్తోంది. ఈ నేపథ్యంలో పవన్ కళ్యాణ్ సినిమాకు నో చెప్పిందనే ప్రచారం మొదలైంది. పవర్ స్టార్ పవన్ కళ్యాణ్-డైరెక్టర్ హరీశ్ శంకర్ కాంబినేషన్లో ‘భవదీయుడు భగత్ సింగ్’ అనే సినిమా రాబోతోంది. ఇందులో హీరోయిన్గా పూజా హెగ్డేని ఎంపిక చేసినట్టు వార్తలొచ్చాయి. కానీ రీసెంట్గా ఎందుకో ఈ సినిమా నుంచి అమ్మడు తప్పుకుందని వినిపించింది. దాంతో అసలు కారణం ఏంటని ఆరా తీయగా.. JGM చిత్రానికి భారీ పారితోషికం అందడంతో.. పవన్ ప్రాజెక్ట్ కూడా వదులుకుందని తెలుస్తోంది. పైగా పవన్ ఎప్పుడు డేట్స్ ఇస్తారు.. ‘భవదీయుడు’ సినిమాని ఎప్పుడు సెట్స్ మీదకు తీసుకొస్తారనే విషయంలో క్లారిటీ రావడం లేదు. అందుకే పవన్కి నో చెప్పి.. విజయ్తో సై అందని టాక్. అయితే నిజంగానే పూజా.. పవన్ సినిమాను వదులుకుందా.. లేదా.. అనే విషయంలో మాత్రం క్లారిటీ రావాల్సి ఉంది. ఇకపోతే.. రీసెంట్గా ఎఫ్ 3 స్పెషల్ సాంగ్లో చిందేసిన పూజా.. ప్రస్తుతం ‘సర్కస్’.. ‘కభీ ఈద్ కభీ దివాలి’ అనే హిందీ సినిమాల్లో నటిస్తోంది.