Pooja Hegde: ఇకనుంచి ఆఫర్లు కావాలంటే.. పూజా ఆ పని చేయాల్సిందే..?

Pooja Hegde: సినిమా.. గ్లామర్ ప్రపంచం.. ఎప్పుడు ఎవరి ఫేట్ ఎలా మారుతుందో ఎవరు చెప్పలేరు. ఒకసారి గోల్డెన్ లెగ్ గా ముద్ర పడితే.. ఇంకోసారి ఐరెన్ లెగ్ గా పేరు తెచ్చుకుంటారు. ఒక సినిమా హిట్ అయితే ఎంతమంది పొగుడుతారో.. ఒక సినిమా ప్లాప్ అయితే అంతేమంది విమర్శలు గుప్పిస్తారు. ఇకస్టార్లు కూడా ఏం తక్కువ తినలేదు. ఒక సినిమా హిట్ అయితే రెమ్యూనిరేషన్ ఇట్టే పెంచేస్తారు.. కానీ, ఒక సినిమా ప్లాప్ అయితే మాత్రం రెమ్యూనిరేషన్స్ తగ్గించరు. అందుకు కారణం వారి స్టార్ డమ్. అయితే ఇదే ఫార్ములా హీరోయిన్ల విషయంలో సెట్ కావడం లేదు. వరుసగా ప్లాపులు వచ్చిన హీరోయిన్స్ కు మాత్రం రెమ్యూనిరేషన్ విషయంలో తేడా ఉంటుంది. తాజాగా ఇదే పరిస్థితిని ఎదుర్కొంటుంది హీరోయిన్ పూజా హెగ్డే. గత ఏడాది నుంచి ఇప్పటివరకు పూజాకు ఒక్క హిట్ లేదు. రాధేశ్యామ్, బీస్ట్, ఆచార్య ఏది ఆమెకు కలిసిరాలేదు.. అంతకు ముందు గోల్డెన్ లెగ్ అన్నవారే ఇప్పుడు ఆమెను ఐరన్ లెగ్ అంటూ ముద్ర వేశారు.

Rana Naidu Trailer: నేను నీ బాబును రా.. వెంకీ- రానాల నట విశ్వరూపం

ఇక ప్రస్తుతం పూజా.. మహేష్- త్రివిక్రమ్ సినిమాలో నటిస్తోంది.. మరోపక్క హిందీలో సల్మాన్ సరసన నటిస్తోంది. ఈ రెండు సినిమాలు రిలీజ్ కు సిద్ధమవుతున్నాయి. ఈ రెండు సినిమాల రిజల్ట్ ఈ ఉంటుంది అనేది ఎవరు చెప్పలేరు. ఈలోపు కొత్త సినిమాలను లైన్లో పెట్టడానికి పూజా బాగా కష్టపడుతుంది. అయితే కొత్త అవకాశాలు రావాలంటే మాత్రం పూజా ఒక కండిషన్ కు ఒప్పుకోవాలని నిర్మాతలు చెప్పుకొస్తున్నారట. అదే రెమ్యూనిరేషన్ తగ్గించుకోవడం.. హిట్లు వచ్చినప్పుడు పూజా బాగానే డిమాండ్ చేసి కోట్లు అందుకుంది.. ఇప్పుడు ఆమె వరుస ప్లాప్ ల్లో ఉండడంతో ఆఫర్లు కావాలంటే రెమ్యూనిరేషన్ తగ్గించుకోక తప్పదు అంటున్నారట. ఒక్కో సినిమాకు రూ. 50 లక్షలు తగ్గించుకోవాలని డిమాండ్ చేస్తున్నారట. మరి ఈ విషయంలో పూజా ఎలా స్పందిస్తుందో చూడాలి.