సూపర్ స్టార్ మహేష్ బాబు మొదటి సింగిల్ “కళావతి”లో చాలా యవ్వనంగా, మనోహరంగా కనిపించాడు. కీర్తి సురేష్ కూడా ఈ సాంగ్ లో అంతే అందంగా కన్పించింది. యూట్యూబ్ లో రికార్డులన్నీ బ్రేక్ చేస్తూ కళావతి” చేసిన సందడి అంతా ఇంతా కాదు. ఇక ఈ చిత్రం రెండవ సింగిల్ ‘పెన్నీ’ ప్రోమోను తాజాగా విడుదల చేశారు మేకర్స్. ఈ సాంగ్ ప్రోమోలో మహేష్ బాబు సూపర్ స్టైలిష్ గా కన్పించగా, మరో సర్పైజ్ ఇచ్చారు మేకర్స్. అందులో సితార కూడా కన్పించడం సూపర్ స్టార్ అభిమానులను ఆశ్చర్యానికి గురి చేసింది. సాంగ్ లో ఎవరూ ఊహించని విధంగా సితార మెరవడం, ఆమె అద్భుతమైన స్టెప్పులు మహేష్ అభిమానులను ఫిదా చేస్తున్నాయి. ఇక దీనికి సంబంధించిన పూర్తి సాంగ్ ను మేకర్స్ ఆదివారం విడుదల చేస్తామని ప్రకటించారు.
Read Also : RRR : ప్రీమియర్ షోలకు వ్యతిరేకత !?
యంగ్ డైరెక్టర్ పరశురామ్ పెట్ల దర్శకత్వంలో రూపొందుతున్న “సర్కారు వారి పాట” చిత్రంలో మహేష్ బాబు, కీర్తి సురేష్ జంటగా నటిస్తున్నారు. ఇక ఈ యాక్షన్ ఎంటర్టైనర్ ను యంగ్ మ్యూజిక్ సెన్సేషన్ తమన్ సంగీతం అందిస్తున్నారు. కాగా “సర్కారు వారి పాట” మే 12న విడుదల కానుంది.
