Pavitra Gowda: పవిత్ర గౌడకి తీవ్ర అస్వస్థత.. హుటాహుటిన హాస్పిటిల్ కి తరలింపు!

Pavitra Gowda Was Admitted To The Hospital In Bengaluru: రేణుకా స్వామి హత్య కేసులో అరెస్టయిన నటుడు దర్శన్ ప్రియురాలు పవిత్ర గౌడ తీవ్ర అస్వస్థతకు గురై బెంగళూరులోని ఆసుపత్రిలో చేరారు. హత్య కేసులో ఏ1గా ఉన్న పవిత్ర గౌడ వారం రోజులకు పైగా పోలీసుల కస్టడీలో ఉన్నారు. ప్రతిరోజూ ఉదయం పోలీస్ స్టేషన్‌లో విచారణ అనంతరం నిమ్హాన్స్‌లోని మహిళా సౌకర్యాల కేంద్రంలో ఆమెను ఉంచుతున్నారు. ఆదివారం రోజంతా ఆర్ఆర్ నగర్ ఇంటి వద్ద పోలీసులు విచారణ నిర్వహించగా, అనంతరం పవిత్ర అలసిపోయింది. ఇక మంగళవారం ఉదయం పవిత్ర గౌడ తనకు బాలేదని చెప్పడంతో చికిత్స నిమిత్తం బెంగళూరులోని ప్రభుత్వాసుపత్రిలో చేరారు.

Nag Ashwin: కల్కి 2898 ఏడీ కథ లీక్ చేసిన నాగ్ అశ్విన్

జూన్ 8న రేణుకాస్వామి హత్యకు గురికాగా, జూన్ 10న (సోమవారం) నటుడు దర్శన్, అతని ప్రియురాలు పవిత్ర గౌడను అరెస్టు చేశారు. ఆమె వరుసగా 9 రోజులు పోలీసు కస్టడీలో ఉన్నారు. అన్నపూర్ణేశ్వరి నగర్ లోని పోలీస్ స్టేషన్ సెల్‌లో దర్శన్‌తో పాటు ఇతర నిందితులందరినీ పోలీసులు విచారిస్తున్నారు. మహిళా నిందితురాలు పవిత్రను మాత్రమే మహిళా సాంత్వన కేంద్రంలో ఉంచారు.

ఇక మరోపక్క దర్శన్ ఫాంహౌస్ మేనేజర్ శ్రీధర్ (39 ఏళ్లు) ఏప్రిల్ 16న ఆత్మహత్య చేసుకున్నాడు. బెంగళూరులోని అనేకల్ సమీపంలోని దర్శన్ ఫామ్‌హౌస్ పక్కన బండరాళ్ల మధ్య శ్రీధర్ మృతదేహం లభ్యమైంది. శ్రీధర్ విషం తాగి ఆత్మహత్యకు పాల్పడినట్లు సమాచారం. ఈ ఘటన ఆలస్యంగా వెలుగులోకి వచ్చింది. కేసు ఇంకా విచారణలో ఉంది.