OTT : ప్రదీప్ సినిమా ఓటీటీ రిలీజ్ డేట్ లాక్

బుల్లి తెర పై తనదైన శైలి లో ఎంతగానో ఆకట్టుకుని తనకంటూ ప్రత్యేక గుర్తింపు తెచ్చుకున్నారు. ఈ నేపథ్యంలో ఇక వెండితెరపై తన అదృష్టాన్ని పరీక్షించుకునేందుకు  ప్రయత్నాలు చేస్తున్నాడు. తొలి ప్రయత్నంగా  30 రోజుల్లో ప్రేమించడం ఎలా సినిమాతో హీరోగా ఎంట్రీ ఇచ్చాడు. ఆ సినిమా ఆశించిన విజయం సాధించలేదు. అయినా పట్టువదలని విక్రమార్కుడిలా లాంగ్ గ్యాప్ తీసుకుని రెండవ ప్రయత్నంగా ‘ అక్కడ అమ్మాయి ఇక్కడ అబ్బాయి’ సినిమాతో మరోసారి తన లక్ ని టెస్ట్ చేసుకున్నాడు.

Also Read : Akkineni : శోభితా అక్కినేని.. చీర కట్టులో ఎంత చక్కగా.. ముద్దుగా ఉందో..

బుల్లితెర భామ దీపికా పిల్లి హీరోయిన్ గా జబర్దస్త్, ‘ఢీ’ షోలను డైరెక్ట్ చేసిన దర్శక ద్వయం నితిన్, భరత్ లు తెరకెక్కించిన సినిమాపై  ప్రదీప్ ఎన్నోఆశలు పెట్టుకున్నాడు. కానీ ఈ సినిమా కూడా ప్రదీప్ ను నిరాశపరించింది. రొటీన్ కథ, సాగతీసిన డైరెక్షన్ సినిమాను ప్లాప్ గా నిలిపాయి. కాగా ఇప్పుడు ఈ సినిమా ఓటీటీ రిలీజ్ కు రెడీ అయింది. రిలీజ్ కు ముందు ఈ సినిమా డిజిటల్ రైట్స్ ను లీడింగ్ తెలుగు స్ట్రీమింగ్ యాప్ ఈటీవీ విన్ సొంతం చేసుకుంది. లేటెస్ట్ గా అక్కడ అమ్మాయి ఇక్కడ అబ్బాయి డిజిటల్ స్ట్రీమింగ్ డేట్ ను ప్రకటించింది ఈటీవీ విన్. ఈ సినిమాను ఈ నెల 8 నుంచి అందుబాటులోకి తీసుకురానుంది. బుల్లితెరపై ప్రదీప్ కు మంచి ఫాలోయింగ్ ఉన్న నేపథ్యంలో ఈ సినిమా ఓటీటీలో మెప్పిస్తుందని టీమ్ భావిస్తుంది. థియేటర్ లో అంతగా మెప్పించని ఈ సినిమా ఓటీటీలో ఏ మేరకు మెప్పిస్తుందో చూడాలి.