యంగ్ టైగర్ ఎన్టీఆర్ ప్రస్తుతం యుఎస్ లో ఉన్నాడు. ఆస్కార్ ప్రమోషన్స్ కోసం యుఎస్ వెళ్లిన ఎన్టీఆర్ ఫాన్స్ ని మీట్ అవుతూ ఫోటోసెషన్స్ చేస్తున్నాడు. ఎన్టీఆర్ ఇండియాకి తిరిగిరాగానే తన బిగ్గెస్ట్ ఫాన్స్ లో ఒకరైన ఒక ఫ్యాన్ ని తన ఫాన్స్ ముందు మీట్ అవుతున్నాడు. కన్ఫ్యూజన్ గా ఉంది కదా… కాంప్లికేట్ చెయ్యకుండా క్లియర్ గా చెప్పాలి అంటే ఎన్టీఆర్ కి ఎంతోమంది ఫాన్స్ ఉంటారు కానీ విశ్వక్ సేన్ లాంటి ఫ్యాన్ ఉండడం కష్టం. మాస్ కా దాస్ అనే స్పెషల్ ఇమేజ్ ని, మార్కెట్ ని సొంతం చేసుకున్న విశ్వక్ సేన్.. ఎన్నో ఇంటర్వ్యూల్లో ఎన్టీఆర్ తన ఫేవరేట్ హీరో అని చెప్తూ ఉంటాడు. ఒక ఇమేజ్ వచ్చిన తర్వాత ఇంకో హీరోకి తాను ఫ్యాన్ అని చెప్పుకోవడానికి కొంతమందికి ఇగో అడ్డు వస్తుంది కానీ అలాంటి ఫీలింగ్ లేకుండా విశ్వక్ చాలా ఓపెన్ గా ఎన్టీఆర్ కి నేను ఫ్యాన్ అని చెప్తుంటాడు. గతంలో ఒకసారి ఎన్టీఆర్ పుట్టిన రోజుకి విశ్వక్ సేన్ స్పెషల్ సాంగ్ ని కూడా రిలీజ్ చేశాడు. తారక్ అంటే విశ్వక్ కి అంత ఇష్టం కాబట్టే విశ్వక్ అంటే ఎన్టీఆర్ ఫాన్స్ కూడా విశ్వక్ ని ఇష్టపడుతూ ఉంటారు. ఇప్పటివరకూ తెలుగులో మాత్రమే సినిమాలు చేస్తూ మాస్ కా దాస్ అనిపించుకున్న విశ్వక్ సేన్ ‘దాస్ కా ధమ్కీ’ సినిమాతో పాన్ ఇండియా మార్కెట్ ని టార్గెట్ చేస్తున్నాడు. ఫిబ్రవరి 17న రిలీజ్ కావాల్సిన ఈ సినిమా షూటింగ్ డిలే మరియు పోస్ట్ ప్రొడక్షన్ వర్క్స్ లో డిలే కారణంగా వాయిదా పడింది.
ఇటివలే దాస్ కా ధమ్కీ షూటింగ్ పార్ట్ కంప్లీట్ చేసిన విశ్వక్ సేన్, త్వరలో కొత్త రిలీజ్ డేట్ ని అనౌన్స్ చేస్తాను అని చెప్పాడు. ఫిల్మ్ నగర్ లో వినిపిస్తున్న రూమర్ ని బట్టి చూస్తే దాస్ కా ధమ్కీ సినిమా మార్చ్ 22న ఆడియన్స్ ముందుకి వచ్చే అవకాశం ఉంది. మిడ్ వీక్ లో, ఉగాది పండగ రోజున మేకర్స్ ధమ్కీ సినిమాని రిలీజ్ చేస్తున్నారు. నాలుగు రోజుల లాంగ్ వీకెండ్ కలిసి వస్తుండడంతో విశ్వక్ సేన్ సినిమాకి కాస్త పాజిటివ్ టాక్ వస్తే చాలు ఫస్ట్ మండేకే బ్రేక్ ఈవెన్ మార్క్ రీచ్ అయ్యే ఛాన్స్ ఉంది. ఈ దాస్ కా ధమ్కీ ప్రీరిలీజ్ ఈవెంట్ ని మార్చ్ 17న శిల్పారామంలో చెయ్యడానికి ప్లాన్ చేస్తున్నారు. ఈ ఈవెంట్ కి యంగ్ టైగర్ ఎన్టీఆర్ ను గెస్ట్ గా పిలిచే ఛాన్స్ ఉందని సోషల్ మీడియాలో టాక్ వినిపిస్తోంది. దాస్ కా ధమ్కీ పాన్ ఇండియా సినిమా కాబట్టి ఆ రేంజులో సౌండ్ చెయ్యాలి అంటే ప్రీరిలీజ్ ఈవెంట్ కి ఎన్టీఆర్ లాంటి హీరో రావాల్సిందే. దాస్ కా ధమ్కీ ప్రీరిలీజ్ ఈవెంట్ కి ఎన్టీఆర్ చీఫ్ గెస్టుగా వస్తే అది ఎన్టీఆర్ ఫాన్స్ కి బిగ్గెస్ట్ ఫ్యాన్ మూమెంట్స్ ఇవ్వడం గ్యారెంటీ. ఇక రిలీజ్ డేట్ విషయంలో కూడా క్లారిటీ వచ్చేస్తే విశ్వక్ సేన్ ఫాన్స్ జోష్ లోకి వచ్చేస్తారు.