Devara: 88 సెకండ్ల రక్తపాతం… 24 గంటల్లో తీరం తాకనుంది
ఆర్ఆర్ఆర్ తర్వాత యంగ్ టైగర్ ఎన్టీఆర్ నటిస్తున్న భారీ పాన్ ఇండియా ప్రాజెక్ట్ దేవర. జనతా గ్యారేజ్ తర్వాత కొరటాలశివ, ఎన్టీఆర్ కాంబో రిపీట్ అవుతుండడంతో… దేవర పై భారీ అంచనాలున్నాయి. సముద్రం బ్యాక్ డ్రాప్లో భారీ యాక్షన్ ఎంటర్టైనర్గా తెరకెక్కిస్తున్నాడు కొరటాల. రెండు భాగాలుగా దేవర రాబోతోంది. ఏప్రిల్ 5న అదిరిపోయే గ్రాఫిక్స్ అండ్ విజువల్స్తో దేవర పార్ట్ 1 చాలా పవర్ ఫుల్గా రాబోతోంది. ఈ క్రమంలో జనవరి 8న దేవర ఫస్ట్ గ్లింప్స్ రిలీజ్ చేయబోతున్నారు. దీంతో ప్రస్తుతం యంగ్ టైగర్ ఎన్టీఆర్ ఫ్యాన్స్ సోషల్ మీడియాను షేక్ చేస్తున్నారు. దేవర ప్రపంచం ఎలా ఉండబోతుందోనని గ్లింప్స్ కోసం ఈగర్గా వెయిట్ చేస్తున్నారు. కొరటాల శివ 88 సెకండ్ల నిడివితో దేవర గ్లింప్స్ కట్ చేసినట్టుగా సమాచారం. దీంతో 24 గంటల్లో దేవర గ్లింప్స్ దెబ్బకు డిజిటల్ రికార్డ్స్ అన్ని బద్దలు కానుందని ట్రెండ్ చేస్తున్నారు నందమూరి అభిమానులు.
గ్లింప్స్ రిలీజ్ టైం దగ్గర పడుతుండడంతో దేవర వస్తున్నాడు అంటూ… సోషల్ మీడియాలో దేవర మోత మొదలైపోయింది. డేస్ నుంచి గంటలకు మారిన కౌంట్తో… మరికొన్ని గంటల్లో దేవర తుఫాన్ తీరాన్ని తాకబోతోంది. అనిరుధ్ బ్యాక్ గ్రౌండ్ స్కోర్, కొరటాల క్రియేట్ చేసిన వరల్డ్, ఎన్టీఆర్ గ్లిమ్ప్స్ ఎండ్ లో చెప్పే డైలాగ్… ఇవ్వన్నీ టాక్ ఆఫ్ ది టౌన్ కాబోతున్నాయి. దీంతో దేవర గ్లింప్స్ బయటికి రావడమే లేట్.. రికార్డులు లేస్తాయ్ అని రచ్చ చేస్తున్నారు ఫ్యాన్స్. ఈ సినిమాను ఎన్టీఆర్ ఆర్ట్స్, యువసుధ ఆర్ట్స్ బ్యానర్స్ సంయుక్తంగా కలిసి నిర్మిస్తున్నాయి. ఎన్టీఆర్ సరసన జాన్వీ కపూర్ నటిస్తుండగా.. బాలీవుడ్ హీరో సైఫ్ ఆలీఖాన్ విలన్గా నటిస్తున్నాడు. మరి దేవర గ్లింప్స్ సినిమా పై ఎలాంటి అంచనాలను పెంచుతుందో చూడాలి.