Nithiin: నితిన్ రేంజ్ ఆ లెవెల్లో పడిపోయిందా.. ?

Nithiin: టాలీవుడ్ యంగ్ హీరో నితిన్ గ్రాఫ్ పడిపోయిందా ..? అంటే అవుననే మాటలు వినిపిస్తున్నాయి. గత కొన్నాళ్లుగా నితిన్ విజయం కోసం ఎంతగానో ఎదురుచూస్తున్నాడు. ఇక ఈ ఏడాది మాచర్ల నియోజకవర్గం అంటూ వచ్చినా అది ఆశించిన ఫలితాన్ని అందుకోలేకపోయింది. ఇక ఈ సినిమా తరువాత చాలా గ్యాప్ తరువాత ఎక్స్ట్రా ఆర్డినరీ మ్యాన్ సినిమాతో ప్రేక్షకుల ముందుకు వచ్చాడు. ఈ మధ్యనే ఈ సినిమా ప్రేక్షకుల ముందుకు వచ్చింది. ఇది కూడా ఆశించిన ఫలితాన్ని అందుకోలేకపోయింది. చివరిగా నితిన్ .. భీష్మ సినిమాతో హిట్ అందుకున్నాడు. ఈ సినిమా ఏకంగా 6.42 కోట్లు కలెక్ట్ చేసి షాక్ ఇచ్చింది. ఇక ఈ రికార్డ్ ను ఇప్పటివరకు నితిన్ బ్రేక్ చేయలేదు. ఉన్నాకొద్దీ నితిన్ రేంజ్.. కొద్దికొద్దిగా తగ్గుతూ వస్తుంది.

ఇక ఎక్స్ట్రా ఆర్డినరీ మ్యాన్.. భీష్మ కన్నా ఎక్కువ అయినా.. లేదు.. సెకండ్ హయ్యెస్ట్ కలక్షన్స్ అయినా అందుకుంటుంది అని అనుకున్నారు. కానీ, అంచనాలను తారుమారు చేస్తూ 1.51 కోట్ల గ్రాస్ మాత్రమే కలెక్ట్ చేసింది. ఓ విధంగా నితిన్ కెరియర్ చూసుకుంటే అతి తక్కువ ఓపెనింగ్ డే కలెక్షన్స్ ఈ సినిమా సాధించింది. దీంతో నితిన్ సినిమాకు ఇంత తక్కువ కలక్షన్స్ రాబట్టడం ఏంటి అని అభిమానులు చెప్పుకుంటున్నారు. సినిమా ట్రైలర్ బావుంది.. నితిన్, శ్రీలీల జంట సూపర్ గా ఉంది కదా.. బొమ్మ హిట్ అవుతుంది అనుకున్నారు. కానీ, హాయ్ నాన్న సినిమా నితిన్ కు దెబ్బ కొట్టింది. ఈ సినిమా కామెడీ ఎంటర్ టైనర్ అయినా.. నాని సినిమా ఎమోషనల్ గా టచ్ చేయడంతో ప్రేక్షకులు నాని సినిమాకే పట్టం కట్టారు. మరి నితిన్ ను తమ్ముడు సినిమా ఏమైనా గట్టెక్కిస్తుందేమో చూడాలి.