Nikhil: టీడీపీ ఎమ్మెల్యే అభ్యర్థి తరపున హీరో నిఖిల్‌ ప్రచారం

Nikhil Siddhartha Campaiging for his Uncle Malakondayya Yadav: ఏపీలో నామినేషన్ల స్వీకరణ ప్రక్రియ ఎట్టకేలకు ముగిసింది. మొత్తం రాష్ట్ర వ్యాప్తంగా ఎన్ని నామినేషన్లు దాఖలయ్యాయనే అంశంపై సమాచారం సీఈఓ కార్యాలయం సేకరిస్తున్నట్టు చెబుతున్నారు. ఇక బాపట్ల జిల్లా చీరాలలో నామినేషన్ల పర్వం ప్రశాంతంగా ముగిసినా హాట్ టాపిక్ అయింది. ఎందుకంటే టిడిపి అభ్యర్థి మద్దులూరి మాలకొండయ్య కుటుంబ సభ్యులు, వేలాది మంది అభిమానులు, కార్యకర్తలతో కలిసి వెళ్ళి నామినేషన్ దాఖలు చేశారు. ఈ సందర్భంగా జాండ్రపేట నుంచి చీరాల వరకు ర్యాలీ నిర్వహించారు. ఇక ఈ ర్యాలీలో సీన్ హీరో నిఖిల్ సిద్ధార్థ్ పాల్గొని ప్రత్యేక ఆకర్షణగా నిలిచారు. నిఖిల్ తో కార్యకర్తలు యూత్ సెల్ఫీ దిగేందుకు పోటీ పడ్డారు. ఇక ఈ క్రమంలో సైకిల్ గుర్తుపై ఓటు వేసి కొండయ్య ను గెలిపించాలని నిఖిల్ చీరాల ప్రజలకు పిలుపునిచ్చారు.

Megha Akash: పెళ్లి పీటలెక్కనున్న మరో హీరోయిన్?

భారీ సంఖ్యలో తరలివచ్చిన కార్యకర్తలు అభిమానులతో రోడ్లన్నీ కిక్కిరిసి పసుపు మయంగా మారాయి. ఈ సందర్భంగా టీడీపీ అభ్యర్థి కొండయ్య మాట్లాడుతూ మే 13న జరిగే ఎన్నికలలో ప్రతి ఒక్కరూ సైకిల్ గుర్తు పై ఓటు వేసి గెలిపింవాలని కోరారు తనను గెలిపిస్తే రాష్ట్రం మొత్తం చీరాల వైపు చూసేవిధంగా నియోజకవర్గాన్ని అభివృద్ధి చేస్తానని కొండయ్య మాట ఇచ్చారు. ఇక నిఖిల్ సోదరిని మాలకొండయ్య యాదవ్ పెద్ద కుమారుడు అమర్‌నాథ్‌కు ఇచ్చి వివాహం చేయడంతో అప్పటి నుంచి వీరిద్దరి మధ్య బంధుత్వం ఉంది. 2009 ఎన్నికల్లో టీడీపీ తరుఫున ఒంగోలు ఎంపీ సీటుకు పోటీ చేసి మాలకొండయ్య ఓడిపోయి తర్వాత వైసీపీలో చేరారు. అయితే 2019 ఎన్నికలకు ముందు మళ్లీ టీడీపీలో చేరి ఇప్పుడు చీరాల టికెట్ దక్కించుకున్నారు.