మెగా డాటర్ ని మోసం చేసిన అల్లు అర్జున్..

షూటింగ్ల సమయంలో ఎవరు ఎలా ఉన్నా పండగ వేళ అందరు కలుసుకోవడం మెగా ఫ్యామిలీకి ఉన్న గొప్ప అలవాటు. పండగ ఏదైనా అందరు కలిసి చిరు ఇంట్లోనే సెలబ్రేట్ చేసుకుంటున్నారు. ఇక క్రిస్టమస్ వచ్చిందంటే మెగా కజిన్స్ అందరు ఒకచోట చేరి రచ్చ చేయడం మామూలే.. ఎన్నో ఏళ్లుగా జరుగుతున్నా ఈ సాంప్రదాయం ఈ ఏడాది కూడా కొనసాగింది. క్రిస్టమస్ వేడుకలలో దిగిన మెమొరీస్ ని స్వీట్ మెగా డాటర్ తన సోషల్ మీడియాలో పోస్ట్ చేస్తూ అందరికి క్రిస్టమస్ శుభాకాంక్షలు తెలిపింది. ఇక ఈ వేడుకల్లో అల్లు అర్జున్ శాంటా గా మారినట్లు తెలుస్తోంది.

బన్నీతో నిహారిక కలిసి ఉన్న ఫోటోను షేర్ చేస్తూ” ఇదిగో ఇక్కడుంది నా శాంటా.. సినిమా ప్రమోషన్లతో ఎంత బిజీగా ఉన్నా కూడా నాకోసం ఎన్నో బహుమతులు పట్టుకొచ్చాడు. థాంక్యూ బన్నీ అన్నా.. నెక్స్ట్‌ టైం మాత్రం ఇలా మోసం చేయొద్దే..'” అని చెప్పుకొచ్చింది. ఇక్కడివరకు అంతా బాగానే ఉన్నా.. నిహారికకు చీట్ చేసిన విషయం మాత్రం చెప్పలేదు మెగా డాటర్.. దీంతో బన్నీ అంతలా చీట్ చేసిన విషయం ఏంటా అని నెటిజన్లు బుర్ర గోక్కుంటున్నారు. మరి ఆ చీటింగ్ ఏంటో నిహారిక బయటపెడుతుందేమో చూడాలి. ఇక నిహారిక విషయానికొస్తే జొన్నలగడ్డ చైతన్యను వివాహమాడి నిర్మాతగా మారిపోయింది. ఇటీవలే ఒక వెబ్ సిరీస్ ని ప్రొడ్యూస్ చేసిన మెగా డాటర్ త్వరలోనే మంచి సినిమాలతో ప్రేక్షకులను అలరించనుంది.