Netflix Pandaga: నెట్ ఫ్లిక్స్ పండగో.. సంక్రాంతి రోజు 12 తెలుగు సినిమాలు!

Netflix Pandaga: ప్రపంచవ్యాప్తంగా టాప్ ఓటీటీ ప్లాట్ ఫార్మ్స్ లో ఒకటిగా పేరు తెచ్చుకున్న నెట్ ఫ్లిక్స్ సంస్థ సంక్రాంతి నాడు ఒక ఆసక్తికరమైన ప్రకటన చేసింది. మొత్తం 12 సినిమాలు తమ ఓటీటీలో రిలీజ్ అవుతున్నట్లుగా ఒక పెద్ద లిస్ట్ రిలీజ్ చేసింది. ఒక్కొక్క సినిమా గురించి వివరిస్తూ ఒక్కొక్క పోస్ట్ పెడుతూ వెళ్ళింది. ముఖ్యంగా ప్రభాస్ హీరోగా నటించిన సలార్ సినిమా తెలుగు, తమిళ, కన్నడ, హిందీ, మలయాళ భాషల్లో స్టీమ్ అవబోతుందని ప్రకటించింది. ఇప్పటికే నాని హీరోగా నటించిన హాయ్ నాన్న సినిమా స్ట్రీమింగ్ అవుతోందని దానితో పాటు క్రేజీ ప్రాజెక్టులుగా పేరు తెచ్చుకున్న పుష్ప 2 ది రూల్, ఎన్టీఆర్ హీరోగా నటిస్తున్న దేవర, టిల్లు స్క్వేర్ వంటి సినిమాలు నెట్ ఫ్లిక్స్ లో స్ట్రీమింగ్ కాబోతున్నాయని ప్రకటించింది. ఇక వాటితో పాటు నందమూరి బాలకృష్ణ 19వ సినిమా, విశ్వక్ సేన్ హీరోగా నటించిన గ్యాంగ్స్ ఆఫ్ గోదావరి అనే సినిమా, శ్రీ వెంకటేశ్వర సినీ క్రియేషన్స్ 37వ సినిమాగా తెరకెక్కుతున్న సిద్దు జొన్నలగడ్డ, బొమ్మరిల్లు భాస్కర్ కాంబినేషన్ సినిమాలు కూడా స్ట్రీమింగ్ కాబోతున్నాయని ప్రకటించింది.

Akira Nandan: ఎడిట్ చేస్తే చేశారు కానీ.. ఏమన్నా ఉందా మావా పిక్

అల్లు శిరీష్ హీరోగా నటించిన బుడ్డి సినిమా అలాగే కార్తికేయ యూవీ క్రియేషన్స్ సినిమాతో పాటు, నార్నె నితిన్, గీతా ఆర్ట్స్ 2 బ్యానర్ లో తెరకెక్కుతున్న సినిమా కూడా తమ నెట్ ఫ్లిక్స్ లో రిలీజ్ కాబోతున్నట్లు అధికారికంగా ప్రకటించింది. అంటే ఈ సినిమాలన్నీ థియేటర్లలో సందడి చేసిన తర్వాత తమ నెట్ ఫ్లిక్స్ ద్వారా ఓటీటీ ఆడియన్స్ కి అందుబాటులోకి రాబోతున్నట్లు ప్రకటించినట్లు అయింది. అప్ కమింగ్ లైనప్ గురించి నెట్‌ఫ్లిక్స్ ఇండియా విపి – కంటెంట్ మోనికా షెర్గిల్ మాట్లాడుతూ.. “నెట్‌ఫ్లిక్స్ సౌత్ కంటెంట్ వ్యూస్ లో 50% YoY గ్రోత్ మా తెలుగు సినిమా స్ట్రాంగ్ అప్పీల్ ప్రతిబింబిస్తుంది. ఈ సంవత్సరం లైనప్, అత్యుత్తమ తెలుగు బ్లాక్‌బస్టర్ సినిమాలతో, ఇండస్ట్రీ బిగ్ స్టార్స్ తో ప్రపంచవ్యాప్తంగా ప్రేక్షకులను ఆకర్షించడానికి సిద్ధంగా ఉంది. భారతదేశంలో, ప్రపంచవ్యాప్తంగా ఉన్న ప్రేక్షకులకు అత్యుత్తమ తెలుగు చిత్రాలని అందించడం మాకు చాలా ఆనందంగా ఉంది” అన్నారు