త్వరలో ‘అఖండ’గా ఆడియన్స్ ముందుకు రాబోతున్నాడు నందమూరి బాలకృష్ణ. బోయపాటి శ్రీను దర్శకత్వం వహిస్తున్న ‘అఖండ’ షూటింగ్ ఇటీవల పూర్తి అయింది. దీని తర్వాత గోపీచంద్ మలినేని దర్శకత్వంలో నటిస్తున్నాడు బాలకృష్ణ. ఎన్.బి.కె 107గా రూపొందుతున్న ఈ చిత్రాన్ని మైత్రి మూవీ మేకర్స్ నిర్మిస్తోంది. ఈ సినిమాకి ‘జై బాలయ్య’ అనే టైటిల్ ని పరిశీలిస్తున్నారట. ‘క్రాక్’ విజయంతో గోపీచంద్ మలినేని ఊపుమీద ఉన్నాడు. బాలకృష్ణ సినిమాకి రీచర్చ్ చేసి మరీ కథను రెడీ చేశాడు. హై యాక్షన్ మాస్ ఎంటర్ టైనర్ గా రూపొందించబోతున్నాడు.
Read Also : బాలయ్య టాక్ షోలో చిరంజీవి
నిర్మాతలు టైటిల్ ని రిజిస్టర్ చేసినా అధికారికంగా ప్రకటించలేదు. నవంబర్లో రెగ్యులర్ షూటింగ్ టైమ్ లో సినిమా టైటిల్ని ప్రకటిస్తారట. వరలక్ష్మీ శరత్కుమార్ ఇందులో ముఖ్యమైన పాత్రలో నటించనుంది. తమన్ ఎస్ ఈ చిత్రానికి సంగీత దర్శకుడు. గతంలో చిరంజీవి హీరోగా ‘జై చిరంజీవ’ అనే సినిమా తెరకెక్కింది. అయితే అది పరాజయం పొందిన నేపథ్యంలో బాలకృష్ణ సినిమాకు ‘జై బాలయ్య’ అని పెట్టే సాహసం చేస్తారా? అన్నది సందేహమే. చూడాలి మరి ఏ టైటిల్ నిర్ణయిస్తారో!?