టాలీవుడ్ లో ఒకసారి హిట్ ఇచ్చిన డైరెక్టర్-హీరో కలిసి రెండో సినిమా చేస్తున్నారు అంటేనే రెండో సినిమాకి అంచనాలు పీక్ స్టేజ్ లో ఉంటాయి. అలాంటిది ఇప్పటికే హ్యాట్రిక్ హిట్స్ ఇచ్చిన క్రాకింగ్ కాంబినేషన్ నాలుగో సినిమా చేస్తుంది అంటే ఆ హీరో-డైరెక్టర్ పైన ఎన్ని అంచనాలు ఉంటాయో ప్రత్యేకించి చెప్పాల్సిన అవసరం లేదు. డాన్ శ్రీను, బలుపు, క్రాక్… చేసిన మూడు సినిమాలతో ఒకదాన్ని మించి ఇంకో హిట్ ఇచ్చిన రవితేజ, గోపీచంద్ మలినేనిలు కలిసి ఒక సినిమా చేస్తున్నారు. #RT4GM అనే వర్కింగ్ టైటిల్ తో త్వరలో సెట్స్ పైకి వెళ్లనున్న ఈ సినిమా ఇటీవలే అఫీషియల్ గా అనౌన్స్ అయ్యింది. మైత్రీ మూవీ మేకర్స్ ప్రొడ్యూస్ చేస్తున్న ఈ సినిమా ఒక్క రోజు జరిగే కథతో తెరకెక్కుతున్నట్లు సమాచారం. చుండూరు నేపథ్యంలో #RT4GM సినిమా కథ తిరుగుతుందని ఇండస్ట్రీ వర్గాలు మాట్లాడుకుంటున్నాయి. ఇందులో ఎంతవరకు నిజముంది అనే విషయం తెలియదు కానీ ఈ ప్రాజెక్ట్ గురించి లేటెస్ట్ అప్డేట్ బయటకి వచ్చి సోషల్ మీడియాలో వైరల్ అవుతోంది.
గోపీచంద్ మలినేని-రవితేజల క్రేజీ కాంబినేషన్ కి మరింత క్రేజ్ ని పెంచుతూ నేషనల్ క్రష్ రష్మికని హీరోయిన్ గా ఫైనల్ చేశారని టాక్. పుష్ప సినిమాతో పాన్ ఇండియా ఇమేజ్ సొంతం చేసుకున్న రష్మిక, రవితేజ పక్కన నటించడం #RT4GM ప్రాజెక్ట్ కి కలిసొచ్చే విషయమే. రష్మిక హీరోయిన్ గా నటిస్తున్న విషయాన్ని మేకర్స్ త్వరలో అఫీషియల్ గా అనౌన్స్ చేయనున్నారట. రవితేజ ప్రస్తుతం టైగర్ నాగేశ్వరరావు సినిమా పనుల్లో బిజీగా ఉన్నాడు, ఇదే సమయంలో స్పై యాక్షన్ థ్రిల్లర్ ఈగల్ సినిమాని కూడా చేస్తున్నాడు. అక్టోబర్ 19న టైగర్ నాగేశ్వరరావు రిలీజ్ అయిన తర్వాత రవితేజ, గోపీచంద్ మలినేని సినిమా షూటింగ్ స్టార్ట్ అయ్యే ఛాన్స్ ఉంది. ఈ సినిమాకి థమన్ మ్యూజిక్ అందించనున్నాడు.