అప్పుడు తాతగారు.. ఇప్పుడు నాన్నగారు.. ‘అఖండ’ సినిమాపై బ్రాహ్మణి స్పందన

నందమూరి బాలకృష్ణ అఖండ చిత్రంతో టాలీవుడ్ గేట్లను ఎత్తేసాడు. ఇటీవల విడుదలైన ఈ సినిమా బాక్స్ ఆఫీస్ ని షేక్ చేస్తోంది. ఇక ఈ సినిమా చూసిన ప్రతి ఒక్కరు బావుందని, బాలకృష్ణ స్టామినా చూపించారని తెలుపుతున్నారు. స్టార్ హీరోలు సైతం బాలయ్యబాబును పోగొడ్తలతో ముంచెత్తుతున్నారు. ఇక తాజాగా ఈ సినిమా వీక్షించిన బాలకృష్ణ పెద్ద కూతురు నారా బ్రాహ్మణి తనదైన రీతిలో తన స్పందన తెలియజేసింది.

“అఖండ సినిమా చూశాను.. చాలా అద్భుతంగా ఉంది.. అప్పుడు తాతగారు.. ఇప్పుడు నాన్నగారు.. చిత్ర పరిశ్రమ స్టాండర్డ్స్ ని పెంచడంలో కీలకల పాత్రను వహించారు.. ఇంతకుముందు నాన్నగారి సినిమాలన్నీ ఒక ఎత్తు .. ఈ సినిమా మరో ఎత్తు.. నిజంగా ఒక తెలుగింటి ఆడపడుచుగా పుట్టినందుకు గౌరవిస్తున్నాను” అంటూ చెప్పుకొచ్చింది. నారా బ్రాహ్మణి, నారా చంద్రబాబు నాయుడు కోడలిగా, నారా లోకేష్ భార్యగా అందరికి సుపరిచితమే.. ప్రస్తుతం ఆమె హెరిటేజ్ కి ఎక్స్గ్యూటివ్ డైరెక్టర్ గా బాధ్యతలు నిర్వహిస్తున్నారు.