Ram Lakshman Masters: న్యాచురల్ స్టార్ నాని, డైరెక్టర్ శ్రీకాంత్ ఓదెల కాంబినేషన్లో వస్తున్న మోస్ట్ అవైటెడ్ యాక్షన్ థ్రిల్లర్ ‘ది ప్యారడైజ్’. ‘దసరా’ తర్వాత వీరిద్దరి కలయికలో వస్తున్న చిత్రం కావడంతో దీనిపై అంచనాలు భారీగా ఉన్నాయి. ఇటీవల ఇచ్చిన ఓ ఇంటర్వ్యూలో ప్రముఖ ఫైట్ మాస్టర్స్ రామ్-లక్ష్మణ్ ఈ సినిమా యాక్షన్ సీక్వెన్సులకు సంబంధించి పలు షాకింగ్ విషయాలను వెల్లడించారు.
షూటింగ్ సమయంలో జరిగిన ఓ ప్రమాదం గురించి రామ్-లక్ష్మణ్ బయటపెట్టిన విషయం ఇప్పుడు ఇండస్ట్రీ వర్గాల్లో హాట్ టాపిక్గా మారింది. కార్ చేజ్ సీక్వెన్స్ చిత్రీకరిస్తున్న సమయంలో అత్యంత రిస్క్తో కూడిన స్టంట్ చేశారట. రెండు లారీల మధ్యలో కారును ఛేజ్ చేస్తూ వెళ్లే యాక్షన్ బ్లాక్లో పైనుంచి దూకిన స్టంట్మ్యాన్ అదుపుతప్పి రెండు లారీల మధ్య ఇరుక్కుపోయి కిందపడ్డాడు. ఈ తీవ్ర ప్రమాదంలో అతని చెయ్యి ఫ్రాక్చర్ అయినట్లు మాస్టర్స్ తెలిపారు. ఎన్ని జాగ్రత్తలు తీసుకున్నప్పటికీ, దర్శకుడు కోరుకున్న సహజత్వం కోసం అసిస్టెంట్లు, డూప్లు తీవ్రమైన శారీరక క్షోభను అనుభవించారని వారు గుర్తుచేసుకున్నారు.
నాని హీరోగా నటిస్తున్న ఈ సినిమా అత్యంత ప్రతిష్టాత్మకంగా రూపుదిద్దుకుంటుంది. శ్రీకాంత్ ఓదెల దర్శకత్వంలో నాని హీరోగా నటిస్తున్న ఈ సినిమాలో కయాదు లోహార్ హీరోయిన్గా నటిస్తోంది. సంపూర్ణేష్ బాబు, మోహన్ బాబు వంటి ఇతర కీలక నటులు ముఖ్యమైన పాత్రలలో నటిస్తున్నారు. సెప్టెంబర్ 24వ తేదీన ఈ సినిమా ప్రేక్షకుల ముందుకు రావాల్సి ఉంది. అయితే వాయిదా పడుతున్నట్లు ప్రచారం జరిగింది కానీ వాయిదా పడడం లేదని చెప్పిన డేట్ కే వస్తున్నట్లుగా అధికారికంగా నిన్న ప్రెస్ మీట్ ఏర్పాటు చేసి ప్రకటించింది టీం.