Geeta Madhuri: సింగర్ గీతా మాధురి విడాకులు.. నందు ఏమన్నాడంటే ?

Geeta Madhuri: సెలబ్రిటీల ప్రేమలు, పెళ్లిళ్లు ఎలా ఉంటాయో అందరికీ తెల్సిందే. ఎప్పుడు ప్రేమలో పడతారో.. ఎప్పుడు విడిపోతారో వారికే తెలియదు. ఇక పెళ్లి తరువాత ఒక వారం కలిసి కనిపించకపోతే చాలు సోషల్ మీడియాలో వారు విడాకులు తీసుకున్నారు అనే వార్తలు గుప్పుమంటున్నాయి. కొంతమంది ఆ వార్తలను ఖండిస్తారు.. ఇంకొంతమంది చూసి నవ్వుకున్నామని చెప్పుకొస్తారు. తాజాగా సింగర్ గీతా మాధురి భర్త, నటుడు నందు కూడా ఇదే విషయాన్నీ చెప్పుకొచ్చాడు. గత కొన్ని రోజులుగా గీతా మాధురి, నందు మధ్య గొడవలు జరుగుతున్నాయని,వీరు విడిపోవడానికి సిద్ధంగా ఉన్నారని, ఇప్పటికే విడాకులకు కూడా అప్లై చేశారు అని వార్తలు వస్తున్నాయి. తాజాగా ఈ వార్తలపై నందు స్పందించాడు. ఈ మధ్యనే నందు.. మ్యాన్షన్ 24 అనే వెబ్ సిరీస్ లో లిల్లీ అనే పాత్రలో నటించాడు. ఓంకార్ దర్శకత్వం వహించిన ఈ హర్రర్ వెబ్ సిరీస్ డిస్నీ ప్లస్ హాట్ స్టార్ లో స్ట్రీమింగ్ అవుతుంది.

Samantha: అబ్బే… అదంతా ఒట్టిదే అంటున్న సమంత!

ఇక ఈ సిరీస్ ప్రమోషన్స్ కోసం చిత్ర బృందంతో పాటు నందు కూడా పాల్గొంటున్నాడు. తాజాగా జరిగిన ఒక ఇంటర్వ్యూలో నందు తన విడాకుల రూమర్స్ గురించి మాట్లాడుతూ.. ” నేను, గీతా విడిపోయామంటూ వార్తలు వస్తున్న వాటిలో ఎలాంటి నిజం లేదు. మా ఇద్దరి మధ్య ఎలాంటి గొడవలు లేవు. మేము సంతోషంగా ఉన్నాం. ఇలాంటి వార్తలు చూసి మేము ఇద్దరం నవ్వుకుంటాం. అలాంటివి అస్సలు పట్టించుకోము” అని చెప్పుకొచ్చాడు. దీంతో ఇవి కేవలం పుకార్లు అని తేలిపోవడంతో అభిమానులు సంతోషిస్తున్నారు.