నీ షేప్ చూడు.. ఆంటీలా ఉన్నావ్ అన్న నెటిజన్.. హీరోయిన్ స్ట్రాంగ్ కౌంటర్
సోషల్ మీడియా లో హీరోయిన్ల మీద ట్రోల్ చేసే ఆకతాయిలకు కొదువ లేదు. ఇండస్ట్రీలో ఉన్న ప్రతి హీరోయిన్ ఇలాంటి ఆకతాయిల వేధిపులకు గురైన వారే. కొంతమంది ఇలాంటి కామెంట్స్ ని లైట్ తీసుకుంటారు. ఇంకొంతమంది మాత్రం ఇలాంటి ఆకతాయిలకు గట్టిగా బుద్ధి చెప్తారు. తాజాగా ఇదే పని చేసింది టాలీవుడ్ హీరోయిన్ నందితా శ్వేత. ఎక్కడికి పోతావు చిన్నవాడా, ప్రేమ కథా చిత్రం 2 , అక్షర సినిమాలతో మంచి గుర్తింపు తెచ్చుకున్న నందిత ఎప్పుడు సోషల్ మీడియాలో యాక్టివ్ గా ఉంటుంది. ఇక ఇటీవల ఆమె కొన్ని ఫోటోలను షేర్ చేసింది. ఏదో వెకేషన్ లో ఎంజాయ్ చేస్తున్నట్లు కనిపిస్తున్నా ఆ ఫోటోలలో నందితా కొంచెం ఒళ్ళు చేసినట్లు కనిపించింది.
ఇక ఇదే విషయాన్ని గమనించిన ఒక ఆకతాయి.. బాడీ షేమింగ్ చేస్తూ అసభ్యంగా మాట్లాడాడు. ” దయచేసి మీ శరీరంపై దృష్టి పెట్టండి.. ఒక్కసారి నీ షేప్స్ చూసుకో.. ఆంటీలా తయారవుతున్నావ్.. వర్క్ అవుట్స్ చెయ్” అంటూ చెప్పుకొచ్చాడు. ఇక ఈ కామెంట్ చూసిన నందిత ఆకతాయికి గట్టిగా బుద్ది చెప్పింది. ఆ కామెంట్ ని స్క్రీన్ షార్ట్ తీసి స్టోరీలో పెడుతూ” మనుసులు ఇలా కూడా ఉంటారా.. ఇలాంటివారితో నరకం. నేనేమైనా దేవతనా..? ఎప్పుడు ఒకేలా ఉండడానికి. నాకు బాధలు ఉంటాయి. ఆ సమయంలో నేను ఎలా ఉంటానో దాన్నే ఇష్టపడతాను.. నా శరీరం ఎలా ఉన్నా నేను దాన్ని ప్రేమిస్తాను@ అని చెప్పుకొచ్చింది.