2023 సంక్రాంతికి వీర సింహంగా బాక్సాఫీస్ దగ్గర స్వైర విహారం చేసిన చేసిన నందమూరి నట సింహం బాలయ్య, కెరీర్ బిగ్గెస్ట్ హిట్ కొట్టాడు. హిస్టరీ రిపీట్ చెయ్యడానికి 2023 దసరాకే మరొకసారి బాక్సాఫీస్ ని టార్గెట్ చేస్తూ బాలయ్య తన కొత్త సినిమాని రెడీ చేస్తున్నాడు. షైన్ స్క్రీన్ బ్యానర్ పై NBK 108 అనే వర్కింగ్ టైటిల్ తో సెట్స్ పైకి వెళ్లిన ఈ మూవీని సక్సస్ ఫుల్ డైరెక్టర్ అనిల్ రావిపూడి తెరకెక్కిస్తున్నాడు. బాలయ్య తెలంగాణా యాసలో మాస్ చూపించబోతున్న ఈ మూవీలో కాజల్ అగర్వాల్ హీరోయిన్ గా నటిస్తుండగా, శ్రీలీలా మరో స్పెషల్ రోల్ ప్లే చేస్తోంది. జైలు సెట్ లో యాక్షన్ ఎపిసోడ్ తో మొదలైన NBK 108పై నందమూరి అభిమానుల్లో భారి అంచనాలు ఉన్నాయి. అటు అనిల్ రావిపూడి ఫన్ టైమింగ్, ఇటు బాలయ్య మార్క్ మాస్… రెండు ఎలిమెంట్స్ ఉండేలా రూపొందుతున్న NBK 108 సినిమాని దసరాకి రిలీజ్ చేస్తున్నాం అని మేకర్స్ ఇప్పటికే అఫీషియల్ అనౌన్స్మెంట్ ఇచ్చేశారు.
ఇటివలే గ్రాండ్ సెట్ లో, హై ఎనర్జీ సాంగ్ ని షూట్ చేసిన మేకర్స్, లేటెస్ట్ గా NBK 108లో బాలయ్యకి విలన్ గా బాలీవుడ్ యాక్టర్ అర్జున్ రాంపాల్ ని రంగంలోకి దించారు. NBK 108 కాస్ట్ లిస్టులోకి అర్జున్ రాంపాల్ వచ్చిన విషయాన్ని అనౌన్స్ చేస్తూ మేకర్స్ ఒక పోస్టర్ కూడా రిలీజ్ చేశారు. డాన్, ఓం శాంతి ఓం, రాజనీతి, D-డే, సత్యాగ్రహ లాంటి సినిమాల్లో అర్జున్ రాంపాల్ సూపర్బ్ పెర్ఫార్మెన్స్ ఇచ్చాడు. ఇప్పటివరకూ బాలీవుడ్ కి మాత్రమే పరిమితం అయిన అర్జున్ రాంపాల్, NBK 108 సినిమాతో తెలుగులోకి ఎంట్రీ ఇస్తున్నాడు. ఇంటెన్స్ పెర్ఫార్మెన్స్ కి కేరాఫ్ అడ్రెస్ లాంటి అర్జున్ రాంపాల్ స్క్రీన్ ప్రెజెన్స్ ఇంప్రెస్ చేసేలా ఉంటుంది. వెల్ బిల్ట్ బాడీతో అర్జున్ రాంపాల్, పవర్ ఫుల్ డైలాగ్స్ తో బాలయ్య వార్ కి దిగితే తెరపై రెండు టిప్పర్ లారీలు గుద్దుకున్నట్లు ఉంటాయి. అర్జున్ రాంపాల్ రావడం NBK 108కి బిగ్గెస్ట్ ఎస్సెట్ అనే చెప్పాలి. మరి బాలయ్య vs అర్జున్ రాంపాల్ ఆన్ స్క్రీన్ వార్ ఎలా ఉండబోతుంది? అనీల్ రావిపూడి ఈ హీరో-విలన్ ట్రాక్ ని ఎలా డిజైన్ చేశాడు అనేది చూడాలి అంటే దసరా వరకూ ఆగాల్సిందే.
Team #NBK108 welcomes the talented National Award winning actor @rampalarjun on board as the antagonist in his Telugu debut ❤️🔥❤️🔥
NataSimham #NandamuriBalakrishna @AnilRavipudi @MsKajalAggarwal @sreeleela14 @MusicThaman @sahugarapati7 @harish_peddi… pic.twitter.com/3Lqvy7XD9r
— Shine Screens (@Shine_Screens) May 10, 2023
