Naa Saami Ranga: నాగ్ ఈసారి.. హిట్ ను ఎత్తికెళ్లిపోవడం ఖాయంలా అనిపిస్తుందే

Naa Saami Ranga: అక్కినేని నాగార్జున చాలా గ్యాప్ తరువాత హీరోగా నటిస్తున్న చిత్రం నా సామీ రంగా. విజయ్ బిన్నీ దర్శకత్వం వహిస్తున్న ఈ చిత్రానికి బెజవాడ ప్రసన్న కుమార్ కథను అందిస్తున్నాడు. మలయాళం హిట్ సినిమా పోరింజు మరియమ్ జోస్ సినిమాకు రీమేక్ గా ఈ సినిమా తెరకెక్కుతోందని వార్తలు వినిపిస్తుంది. ఇక ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకుంటున్నాయి. ఈ మధ్యనే ఈ సినిమాలో నటిస్తున్న హీరోయిన్ ఆషికా రంగనాధ్ గ్లింప్స్ ను మేకర్స్ రిలీజ్ చేశారు. వరలక్ష్మీ అనే పాత్రలో ఆమె కనిపిస్తుందని తెలిపారు. ఇక అచ్చతెలుగు ఆడపడుచులా ఆమె లుక్ అందరిని ఆకట్టుకుంది. ఇక తాజాగా ఈ సినిమా నుంచి మొదటి సాంగ్ రిలీజ్ కు ముహూర్తం ఖరారు చేశారు.

ఎత్తుకెళ్ళిపోవాలనిపిస్తుందే అంటూ సాగే ఈ సాంగ్ ప్రోమోను మేకర్స్ రిలీజ్ చేశారు. ఇక ఇందులో నాగ్ విలేజ్ లుక్ లో ఆకట్టుకుంటున్నాడు. సోగ్గాడే చిన్ని నాయనలో బంగార్రాజు లా కనిపిస్తున్నాడు. ఇక చంద్రబోస్ రాసిన లిరిక్స్ క్రేజీగా ఉన్నాయి. ఆస్కార్ అవార్డు విన్నర్ కీరవాణి సంగీతం అందించిన ఈ సాంగ్ ను రామ్ మిరియాల తన అద్భుతమైన వాయిస్ తో ఆలపించాడు. విజువల్స్ కూడా బాగా ఆకట్టుకుంటున్నాయి. పల్లెటూరి వాతావరణంలో చిత్రీకరించినట్లు తెలుస్తోంది. ఇక ఈ ఫుల్ సాంగ్ ను డిసెంబర్ 10 న రిలీజ్ చేయనున్నట్లు తెలిపారు. సాంగ్, విజువల్స్ .. నాగ్ లుక్ చూస్తుంటే.. ఈ సినిమా హిట్ అయ్యేలానే కనిపిస్తుందని అభిమానులు చెప్పుకొస్తున్నారు. మరి ఈ సినిమాతో నాగ్ ఎలాంటి విజయం అందుకుంటాడో చూడాలి.