Allu Arjun: పార్టీ ఇస్తున్న పుష్ప.. షెకావత్ సారూ కూడా వస్తున్నారట..?

Allu Arjun: ఐకాన్ స్టార్ అల్లు అర్జున్.. పుష్ప సినిమాకు గాను ఈ ఏడాది నేషనల్ అవార్డు అందుకున్న విషయం తెల్సిందే. ఇప్పటివరకు ఏ టాలీవుడ్ హీరో.. నేషనల్ అవార్డు ను అందుకోకపోవడంతో ఇండస్ట్రీ మొత్తం బన్నీ పేరు మారుమ్రోగిపోతుంది. ఈ మధ్యనే.. ఢిల్లీలో రాష్ట్రపతి ద్రౌపది ముర్ము చేతుల మీదుగా జాతీయ అవార్డు ను అందుకున్నాడు. నేషనల్ అవార్డ్ ప్రకటించినప్పటి నుంచి బన్నీని అందరు పార్టీ లేదా పుష్ప .. పార్టీ లేదా పుష్ప అంటూ అడిగేస్తున్నారు. ఇక ఆ సమయంలోనే టాలీవుడ్ ప్రముఖులకు వేరుగా.. మీడియా కు వేరుగా బన్నీ పార్టీ ఇచ్చిన విషయం తెల్సిందే. ఇక అవార్డు అందుకున్నాకా.. బన్నీ మామ.. కంచర్ల చంద్రశేఖర్ రెడ్డి గ్రాండ్ గా రిలేటివ్స్ కు పార్టీ ఇచ్చాడు. ఇక ఈ పార్టీ లో బన్నీ స్నేహితులు, బంధువులు కొంతమంది ప్రముఖులు హాజరయ్యారు.

Rana Daggubati: ప్రభాస్ అంటే నాకు అసూయ.. నేను కలగన్న ప్రతిదాన్ని అతడే..

తాజాగా పుష్ప .. మరో పార్టీకి సిద్దమయ్యాడు. ఈసారి బన్నీ ఇచ్చే పార్టీ కాదు. పుష్పను ఆ రేంజ్ లో నిర్మించిన మైత్రీ మూవీ మేకర్స్ ఈ పార్టీని హోస్ట్ చేస్తున్నారు. ఈ రోజు సాయంత్రం గండిపేట లో ఈ పార్టీ గ్రాండ్ గా జరగనుంది. ఈ వేడుకకు పుష్పకు సంబంధించిన అందరు ప్రముఖులు రానున్నారు. అంతేకాకుండా జాతీయ అవార్డులు వచ్చిన తెలుగు ప్రముఖులు అందరూ పాల్గొంటారు. ముఖ్యంగా మలయాళ స్టార్ హీరో ఫహాద్ ఫాజిల్ కూడా రానున్నట్లు తెలుస్తోంది. ఈ సినిమాలో బన్నీ క్యారెక్టర్ అంతగా ఎలివేట్ అయ్యింది అంటే .. విలన్ గా ఫహద్ చూపిన క్రూరత్వమే అని చెప్పాలి. భన్వర్ సింగ్ షెకావత్ గా ఫహద్ నటనకు తెలుగువారు ఫిదా అయ్యిపోయారు. ఇక ఈ సినిమాలో పార్టీ లేదా పుష్ప అనే డైలాగ్ తో ఫేమస్ అయిన ఫహద్.. ఆ పార్టీ తీసుకోవడానికి వస్తున్నాడు. రేపు ఈ పార్టీ ఫోటోలు సోషల్ మీడియాను షేక్ చేస్తాయేమో చూడాలి.