పవర్ ఫుల్ డైలాగ్స్ కి కేరాఫ్ అడ్రస్ అయిన కలెక్షన్ కింగ్ మోహన్ బాబు, ఇప్పుడు మరోసారి నెట్టింట సంచలనంగా మారారు. ఆయన కాలేజ్ ఈవెంట్లో పాల్గొని చేసిన వ్యాఖ్యలు ఇప్పుడు హాట్ టాపిక్గా మారాయి. ముఖ్యంగా ఆయన తాను నటించిన ‘ది ప్యారడైజ్’ సినిమా గురించి ప్రస్తావించడంతో, అది ఒక్కసారిగా ఇండస్ట్రీలో చర్చకు దారితీసింది. కాలేజ్ ఈవెంట్లో స్టూడెంట్స్ను ఉద్దేశించి మోహన్ బాబు మాట్లాడుతుండగా.. ఆయన ‘ప్యారడైజ్’ అనే పదాన్ని ప్రస్తావించగానే, సభలో ఉన్న విద్యార్థులంతా ఒక్కసారిగా కేరింతలు కొట్టారు. ఆ చప్పట్లన్నీ తాను నటించిన ‘ప్యారడైజ్’ సినిమా కోసమేనని గ్రహించిన మోహన్ బాబు, ఆ సినిమాలోని తన పాత్ర ఎంత భయంకరంగా ఉండబోతోందో చెప్పకనే చెప్పారు. “ఆ సినిమా చూస్తే నా దగ్గరకు కూడా రారు మీరు.. అంత భయంకరమైన క్యారెక్టర్ అది” అంటూ ఆయన నవ్వుతూ చేసిన ఈ వ్యాఖ్యలు ఇప్పుడు నెట్టింట వైరల్ అవుతున్నాయి.
మోహన్ బాబు చేసిన ఈ వ్యాఖ్యలతో, ‘ది ప్యారడైజ్’ సినిమాలో ఆయన పాత్ర ఎంత తీవ్ర స్థాయిలో ఉండబోతోందో, అది ప్రేక్షకులను ఏ రేంజ్లో భయపెట్టబోతోందో అర్థం చేసుకోవచ్చు. ఏళ్లుగా ఎన్నో పవర్ ఫుల్ పాత్రల్లో, అద్భుతమైన విలన్ గా మెప్పించిన మోహన్ బాబు, మళ్ళీ తన పాత క్యారెక్టర్స్ను మించేలా ఒక భయంకరమైన నెగెటివ్ రోల్ పోషిస్తున్నారని ఆయన మాటలతో స్పష్టమైంది. ఈ సినిమాతో ఆయన మళ్లీ వెండితెరపై తన విశ్వరూపం చూపించబోతున్నారన్న వార్తలు, అభిమానుల్లో అంచనాలను అమాంతం పెంచేశాయి. ఈ సినిమా కోసం ఆయన అభిమానులు, ప్రేక్షకులు ఎంతో ఆసక్తిగా ఎదురు చూస్తున్నారు.