Manchu Manoj: అన్నదమ్ముల మధ్య గొడవల అనేది సహజం. కానీ, ఆ గొడవలు ఎలాంటివి అనేది ముఖ్యం. సాధారణంగా ఒకే ఇంట్లో ఉంటూ.. అన్నదమ్ములు గొడవపడిన దానికి, ఇద్దరు వేర్వేరుగా ఉంటూ అన్నదమ్ములు గొడవపడిన దానికి చాలా తేడా ఉంటుంది. ప్రస్తుతం మంచు బ్రదర్స్ మధ్య జరిగిన గొడవ చిన్నదేం కాదు. అసలు ఈ గొడవకు కారణం ఎవరు అంటే.. అందరు చెప్పే సమాధానం సారథి. అసలు ఎవరితను.. మంచు బ్రదర్స్ మధ్య ఎలా వచ్చాడు..? వీరి మధ్య చిచ్చు పెట్టడం ఏంటి..? అని ప్రతి ఒక్కరు ఆలోచిస్తున్నారు. అసలు ఈ సారధి ఎవరంటే.. మంచు విష్ణు అనుచరుడు. మీరు ఒకసారి పాత వీడియోలు చూస్తే మంచు విష్ణు పక్కన సారధి కనిపిస్తాడు. మంచు విష్ణుకు సంబంధించిన ప్రతి విషయం అతనికి తెలుసు. మా ప్రెసిడెంట్ అయ్యేవరకు కూడా విష్ణు పక్కనే సారధి ఉన్నాడు. అయితే మధ్యలో ఏమైందో ఏమో తెలియదు కానీ, సారథి అన్నను వదిలి తమ్ముడు పక్కకు చేరాడు. ప్రస్తుతం అతను మనోజ్ కు మేనేజర్ గా పనిచేస్తున్నాడు.
Manchu Vishnu: మనోజ్ తో గొడవ.. ఎట్టకేలకు స్పందించిన మంచు విష్ణు
ఇక ఇక్కడివరకు బాగానే ఉన్నా.. ఈ మనోజ్ పక్కన ఉండి.. విష్ణు పర్సనల్ విషయాలను కూడా అతను మనోజ్ కు చెప్తున్నాడట. విష్ణు గురించి మనోజ్ కు నెగెటివ్ గా చెప్తూ అతడిపై కోపం తెప్పించేలా మాట్లాడుతున్నాడట. అది నచ్చని విష్ణు సారథిపై గుర్రుగా ఉన్నాడని చెప్తున్నారు. అంతేకాకుండా విష్ణుపై అనుచిత వ్యాఖ్యలు చేయడంతోనే కోపం తట్టుకోలేక విష్ణు, సారథిపై దాడికి పాల్పడినట్లు సమాచారం. అయితే తనవద్ద మేనేజర్ గా చేస్తున్న వ్యక్తిని తానెప్పుడు ఉద్యోగిగా చూడలేదని, బంధువుగానే చూశానని మనోజ్ చెప్పడం విశేషం. అందుకే వీడియోలో కూడా మా బంధువులపై దాడి చేస్తున్నాడని విష్ణు పేరును చెప్పుకొచ్చాడు. ఇలా అన్నదమ్ముల మధ్య చిచ్చు పెట్టింది సారథినే అని తెలుస్తోంది. మరి ఈ వివాదం ఎక్కడి వరకు వెళ్లి ఆగుతుందో చూడాలి.
