Manamey OTT Delay: హీరో శర్వానంద్, కృతి శెట్టి జంటగా నటించిన చిత్రం “మనమే” శ్రీరామ్‌ ఆదిత్య దర్శకత్వంలో టీజీ విశ్వప్రసాద్‌ నిర్మించిన చిత్రం ఇది. జూన్‌ 7న ఈ చిత్రం విడుదలైంది. రిలీజ్ కు ముందు ఓ కొత్త కాన్సెప్ట్ లా అనిపించింది కానీ రిలీజ్ తర్వాత మాత్రం ఈ మూవీ అందరి అంచనాలను అందుకోలేకపోయింది. మొదటి షో నుంచి కూడా మిక్సెడ్ టాక్ నే సంపాదించుకోడంతో ఆశించిన స్థాయిలో సక్సెస్ కాలేకపోయింది. దీనితో ఈ సినిమాను నెలలోపే ఓటీటీ లోకి తీసుకుని రానున్నట్లు ప్రకటించారు మేకర్స్. మొదట ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ ఫార్మ్స్ అమెజాన్ ప్రైమ్ సొంతం చేసుకుందని.. జూలై మొదటి వారంలో స్ట్రీమింగ్ కు తీసుకురానున్నట్లు టాక్ వినిపించింది. కానీ అది జరగలేదు.
Also Read:Surya44: బర్త్‌డే రోజు సర్‌ప్రైజ్‌ ఇచ్చిన సూర్య
ఆ తర్వాత జూలై 12 నుంచి నెట్ ఫ్లిక్స్ లో ఈ మూవీని స్ట్రీమింగ్ కానుందంటూ అధికారిక ప్రకటన వచ్చింది. కానీ అది కూడా జరగలేదు. దీనితో ఈ సినిమా ఓటీటీ లోకి ఎప్పుడు వస్తుందా అనే ప్రశ్నలు మొదలయ్యాయి.అంతే కాకుండా ఈ మధ్య రెండు మూడు పెద్ద సినిమాల విషయంలోను ఇదే జరిగింది. చెప్పిన టైమ్ కు చెప్పిన ఓటీటీ లో ఆయా సినిమాలు రాకుండా సడెన్ గా స్ట్రీమింగ్ అవుతూ ప్రేక్షకులను ఆశ్చర్యపరిచాయి. మరి మనమే సినిమా విషయంలోనూ అలానే జరిగే అవకాశాలు లేకపోలేదు. ఇక ఇప్పుడు వినిపిస్తున్న మరొక న్యూస్ త్వరలోనే ఈ చిత్రం హాట్‌స్టార్‌లో ప్రసారం కానుందని జూలై చివరి వారంలో రిలీజ్ అవ్వొచ్చు అని వార్తలు వినిపిస్తున్నాయి. మరి ఏ వార్త నిజమౌతుందో ఈ మూవీ ఎప్పటినుంచి ఓటీటీ లో స్ట్రీమింగ్ అవుతుందో వేచి చూడాలి.