Pawan kalyan: పొలిటికల్ బూస్ట్ ఇచ్చేలా దిగుతున్న ఉస్తాద్.. రెడీ చేస్తున్న టీం!
Makers to Release Ustaad Bhagat Singh Dialouge Teaser for Pawan Kalyan: పవన్ కళ్యాణ్ హీరోగా హరీష్ శంకర్ దర్శకత్వంలో ఉస్తాద్ భగత్ సింగ్ అనే సినిమా తెరకెక్కుతున్న సంగతి తెలిసిందే. మైత్రి మూవీ మేకర్స్ బ్యానర్ మీద ఈ సినిమాని భారీ బడ్జెట్ తో ప్రతిష్టాత్మకంగా నిర్మిస్తున్నారు. నిజానికి ముందు భవదీయుడు భగత్ సింగ్ అనే సినిమా చేయాల్సి ఉంది కానీ ఎందుకో దాన్ని నిలిపివేసి ఉస్తాద్ భగత్ సింగ్ ని తెరమీదకి తీసుకువచ్చారు. ఆ సంగతి అలా ఉంచితే ఈ సినిమాకు సంబంధించిన షూటింగ్ కేవలం ఐదు రోజులు మాత్రమే చేశారు. తర్వాత పవన్ కళ్యాణ్ రాజకీయాల్లో బిజీ అవడం, ఇతర సినిమా షూటింగ్స్ లో పాల్గొనాల్సి రావడంతో ఈ సినిమా అటకెక్కింది. హరీష్ శంకర్ కూడా రవితేజతో సినిమా మొదలుపెట్టి ఆ సినిమాలో బిజీగా ఉన్నాడు. మరో పక్క పవన్ కళ్యాణ్ రాజకీయాలతో బిజీగా ఉన్నారు. అయితే ఈ సమయంలో మేకర్స్ ఒక ఆసక్తికరమైన నిర్ణయం తీసుకున్నట్లుగా ప్రచారం జరుగుతోంది.
Allu Arjun: అల్లు అర్జున్ ని హత్తుకుని ఏడ్చేసిన అభిమాని.. బన్నీ చేసిన పనికి ఫాన్స్ ఫిదా!
అసలు విషయం ఏమిటంటే ఈ ఉస్తాద్ భగత్ సింగ్ తమిళంలో సూపర్ హిట్ గా నిలిచిన తేరి అనే సినిమాకి రీమేక్గా చెబుతున్నారు. పవన్ పోలీస్ అధికారి పాత్రలో కనిపిస్తాడు కాబట్టి ప్రభుత్వం మీద కొన్ని కౌంటర్లు లాంటి డైలాగ్స్ తో కూడిన సీన్స్ షూటింగ్ ఇప్పటికే జరిగిందని తెలుస్తోంది. వాటి నుంచి పవన్ కి పొలిటికల్ గా కూడా మైలేజ్ కలిసి వచ్చే విధంగా ఒక డైలాగ్ టీజర్ కట్ చేయాలని సినిమా యూనిట్ నిర్ణయం తీసుకున్నట్లుగా తెలుస్తోంది. ఎలక్షన్ కోడ్ అమలులోకి రాకపోయినప్పటికీ ఇప్పటికే ఏపీలో పెద్ద ఎత్తున ప్రచారాలు జరుగుతున్నాయి. సరిగ్గా ఇదే మూమెంట్లో డైలాగ్ టీజర్ వదిలితే సినిమా ఆగిపోలేదు అనే సంకేతాలు పంపడంతో పాటు పవన్ ఫ్యాన్స్ కి కాస్త జోష్ నింపేలా ఉంటుందని నిర్మాతలు భావిస్తున్నట్లు తెలుస్తోంది. అయితే ఇందులో ఎంతవరకు నిజానిజాలు ఉన్నాయి అనే విషయం మీద మాత్రం క్లారిటీ రావాల్సి ఉంది. ఈ ఎన్నికల కోసం పవన్ కళ్యాణ్ నటించిన ఒక యాడ్ ఇప్పటికే ప్రేక్షకుల ముందుకు వచ్చేసింది.