పిక్ తో దర్శకుడికి మహేష్ విషెష్… కూల్ లుక్ లో సూపర్ స్టార్
టాలీవుడ్ సూపర్ స్టార్ మహేష్ బాబు ప్రస్తుతం “సర్కారు వారి పాట” అనే యాక్షన్ ఎంటర్టైనర్ తో బిజీగా ఉన్న విషయం తెలిసిందే. కీర్తి సురేష్ హీరోయిన్ గా నటిస్తున్న ఈ సినిమాకు యంగ్ డైరెక్టర్ పరశురామ్ పెట్ల దర్శకత్వం వహిస్తున్నారు. ప్రస్తుతం సినిమా షూటింగ్ దశలో ఉంది. “సర్కారు వారి పాట” సంక్రాంతి కానుకగా విడుదల కావాల్సి ఉండగా, భారీ పోటీ కారణంగా వాయిదా వేసుకున్నారు మేకర్స్. ఈ చిత్రం 2022 ఏప్రిల్ 1న విడుదలకు సిద్ధమవుతోంది. ఇదిలా ఉండగా నిన్న దర్శకుడు పరశురామ్ పుట్టినరోజు. ఈ సందర్భంగా “సర్కారు వారి పాట” ఆయనను విష్ చేస్తూ ఓ స్పెషల్ పోస్టర్ విడుదల చేసింది. నిన్న సాయంత్రం మహేష్ కూడా ఓ స్పెషల్ పిక్ తో పరశురామ్ కు పుట్టినరోజు శుభాకాంక్షలు తెలిపారు.
మహేష్ ట్విట్టర్లో ప్రతిభావంతుడైన డైరెక్టర్ పరశురామ్ ఎప్పుడూ మంచి ఆరోగ్యం, ఆనందంతో ఉండాలని కోరుకున్నాడు. దర్శకుడితో కలిసి దిగిన ఫొటోను కూడా షేర్ చేశాడు. ఆ పిక్ లో మహేష్ పింక్ కలర్ షర్ట్ లో కూల్ లుక్ లో హ్యాండ్సమ్ గా కనిపిస్తున్నాడు. ఈ పిక్ చూస్తుంటే మహేష్ బాబు ఏజ్ రోజురోజుకూ మరింత తగ్గితున్నట్టుగా అన్పిస్తోంది. ఈ పిక్ ను షేర్ చేస్తూ మహేష్ అభిమానులు ట్విట్టర్లో #SarkaruVaariPaataOnApril1 అనే హ్యాష్ ట్యాగ్ ను ట్రెండ్ చేస్తున్నారు.