బ్రేకింగ్: పోలీస్ స్టేషన్ లో సూపర్ స్టార్ మహేష్ బాబు సోదరి.. అసలేం జరిగింది..?

ప్రస్తుతం టాలీవుడ్ లో శిల్పా చౌదరి చీటింగ్ కేసు సంచలనం సృష్టిస్తోంది. అధిక వడ్డీ పేరు చెప్పి ప్రముఖుల వద్ద నుంచి కోట్లు కాజేసిన శిల్పా గుట్టును రట్టు చేశారు పోలీసులు. ఇటీవల ఆమె టాలీవుడ్ లోని ముగ్గురు సెలబ్రెటీలను మోసం చేసిన కేసులో పోలీసులు అరెస్ట్ చేసిన సంగతి తెలిసిందే. అయితే ఆమె అరెస్ట్ అయ్యాకా ఆ ముగ్గురు సెలబ్రెటీలు ఎవరు అనేది అందరిని తొలుస్తున్న ప్రశ్న. ఇక ఈ నేపథ్యంలోనే శిల్ప బాధితుల్లో చాలామంది ప్రముఖులు ఉన్నారని తెలుస్తోంది. ఆమె బాధితుల్లో సూపర్ స్టార్ మహేష్ బాబు సోదరి, హీరో సుధీర్ బాబు భార్య ప్రియదర్శిని కూడా ఉండడం గమనార్హం. శిల్పా చౌదరి తన వద్ద రూ. 2.9 కోట్లు తీసుకొని మోసం చేసిందని ప్రియదర్శిని పోలీస్ స్టేషన్ లో ఫిర్యాదు చేసింది.

శిల్ప అరెస్ట్ అయిన 5 రోజుల తరువాత ప్రియదర్శిని పోలీస్ స్టేషన్ కి రావడం చర్చనీయాశంగా మారింది. బుధవారం ఆమె మాదాపూర్ పోలీస్ స్టేషన్ లో శిల్పా చౌదరిపై ఫిర్యాదు చేసింది. శిల్పా చౌదరి ప్రతి వీక్ కిట్టి పార్టీ అని పిలిచి, తమ వద్ద డబ్బు తీసుకుందని, డబ్బుల కోసమే ఆమె ఆ పార్టీలు ఏర్పాటు చేసేదని, తన వద్ద రూ. 2.9 కోట్లు తీసుకుని మోసం చేసినట్లు ఫిర్యాదులో పేర్కొంది. ఇక ప్రియదర్శిని ఫిర్యాదు అందుకున్న పోలీసులు కస్టడీలో ఉన్న శిల్పను మరోసారి విచారించి డబ్బులు ఎక్కడ దాచిందో తెలుసుకుంటామని తెలిపినట్లు సమాచారం.