త్రివిక్రమ్ తో మహేష్ బాబు.. అలా దుబాయ్ లో మొదలెట్టేశారుగా
- Follow Us :
-
-
Add as a preferred
source on google
సూపర్ స్టార్ మహేష్ బాబు వచ్చే ఏడాది అభిమానులకు విందు భోజనమే సిద్ధం చేసినట్లు కనిపిస్తున్నాడు. ఇప్పటికే పరుశురాం దర్శకత్వంలో సర్కారు వారి పాట షూటింగ్ పూర్తి చేసి వచ్చే ఏడాదికి రిలీజ్ డేట్ ప్రకటించిన మహేష్ ఈ సినిమా తరువాత వరుస సినిమాలను లైన్లో పెట్టాడు. ఇకపోతే సర్కారు వారి పాట తరువాత రాజమౌళి కాంబోలో మహేష్ సినిమా మొదలవుతుంది అనుకొనేలోపు .. మహేష్- త్రివిక్రమ్ తో కాంబో సెట్ చేసేశాడు. అతడు, ఖలేజా తరువాత రిపీట్ అవుతున్న కాంబో కావడంతో ఈ సినిమాపై ప్రేక్షకులు భారీ అంచనాలే పెట్టుకున్నారు. హారిక అండ్ హాసిని క్రియేషన్స్ లో త్రివిక్రమ్ దర్శకుడిగా మహేశ్28 త్వరలోనే సెట్స్ మీదకు వెళ్లనుంది. ఇక ఈ చిత్రానికి థమన్ మ్యూజిక్ ఇవ్వనున్నాడు.
ఇక తాజగా ఈ ప్రాజెక్ట్ కి సంబంధించి మహేష్ బాబు ఒక ఇంట్రెస్టింగ్ అప్డేట్ ని అభిమానులతో పంచుకున్నారు. త్రివిక్రమ్, థమన్, నాగవంశీ తో కలిసి దిగిన ఫోటోను షేర్ చేస్తూ” వర్క్ అండ్ ఛిల్ల్.. ఈ మధ్యాహ్నం ఈ టీమ్ తో పనులు సాగుతున్నాయి” అంటూ చెప్పుకొచ్చారు. ఇక ఈ మీటింగ్ దుబాయ్ లో జరిగినట్లు తెలుస్తోంది. ప్రస్తుతం ఈ ఫోటోలు నెట్టింట వైరల్ గా మారాయి.మరి మహేష్- త్రివిక్రమ్ హ్యాట్రిక్ మూవీ ఏ విధంగా ఉండబోతుందో చూడాలి.