Mahesh: కౌంట్ డౌన్ స్టార్ట్… ఇప్పుడు చెప్పండ్రా అబ్బాయిలు వాట్ టు డూ, వాట్ నాట్ టు డూ

సరిలేరు నీకెవ్వరూ సినిమాలో ప్రకాష్ రాజ్… మహేష్ బాబుని చూస్తూ “ప్రతి సంక్రాంతికి అల్లుడు వస్తాడు… ఈ సంక్రాంతికి మొగుడు వచ్చాడు” అంటాడు. ఘట్టమనేని అభిమానులకి థియేటర్స్ లో పూనకాలు తెప్పించిన ఈ డైలాగ్ ఇప్పుడు గుంటూరు కారం సినిమాకి వాడాల్సి వస్తుంది. త్రివిక్రమ్, మహేష్ బాబు కాంబినేషన్ లో తెరకెక్కుతున్న మూడో సినిమా గుంటూరు కారం 2024 సంక్రాంతి సీజన్ ని టార్గెట్ చేస్తుంది. అనుకున్న దానికన్నా చాలా లేట్ గా షూటింగ్ స్టార్ట్ అయిన ఈ మూవీ, ఎంత డిలే అయినా సరే అనుకున్న టైంకి మాత్రం రిలీజ్ చేస్తాం అంటూ మేకర్స్ నుంచి కన్ఫర్మేషన్ వచ్చేసింది. ఎవరికైనా ఎలాంటి డౌట్స్ ఉన్నా కూడా అది కూడా క్లియర్ చేసేస్తూ గుంటూరు కారం సినిమా 2024 జనవరి 12న రిలీజ్ అవుతుంది… ఈరోజు నుంచి వంద రోజుల్లో గుంటూరు కారం సినిమా థియేటర్స్ లోకి రాబోతుంది అంటూ మేకర్స్ నుంచి అఫీషియల్ స్టేట్మెంట్ వచ్చేసింది.

రిలీజ్ డేట్ కౌంట్ డౌన్ స్టార్ట్ చేసిన మేకర్స్… చాలా మందికి గుంటూరు కారం రిలీజ్ పై ఉన్న అనుమానాలని క్లియర్ చేసారు. నిన్న మొన్నటి వరకూ మహేష్ బాబు వస్తాడు అనే విషయంలో అనుమానం ఉండేది కాబట్టి మిగిలిన సినిమాలు సంక్రాంతి బరిలో నిలిచాయి. ఇప్పుడు మహేష్ వస్తున్నాడు కాబట్టి చాలా సినిమాల రిలీజ్ డేట్ లు షఫీల్ అయ్యే అవకాశం ఉంది. లేదు కాదు కూడదు అని గుంటూరు కారం సినిమాని, మహేష్-త్రివిక్రమ్ కాంబినేషన్ కి ఉన్న క్రేజ్ ని లైట్ తీసుకుంటే మాత్రం మహేష్ దగ్గర అసలు బేరాలు ఉండవు అనే విషయం తెలుసుకోవాలి. అమలాపురం నుంచి అమెరికా వరకూ రీజనల్ సినిమాతోనే బాక్సాఫీస్ ర్యాంపేజ్ చేయడం మహేష్ కి తెలిసినంతగా ఇంకొకరికి తెలియదు. ఈ పాయింట్ ని కన్సిడర్ చేసి ఎన్ని సినిమాలు సంక్రాంతి రేస్ నుంచి సైడ్ అవుతాయో చూడాలి.

𝐒𝐔𝐏𝐄𝐑𝐒𝐓𝐀𝐑 @urstrulyMahesh 🌟 is all set for the MASS STRIKE with #GunturKaaram at cinemas in 𝟏𝟎𝟎 𝐃𝐀𝐘𝐒 💥

Arriving on 𝐉𝐀𝐍 𝟏𝟐, 𝟐𝟎𝟐𝟒. 🔥#GunturKaaramStrikesin100Days pic.twitter.com/5LIXEHJHPi

— Haarika & Hassine Creations (@haarikahassine) October 3, 2023