Madhu Bala: ఆ హీరోకు తల్లిగా చేయమన్నారు.. సినిమాలే మానేశా

Madhu Bala: మధుబాల.. ఇప్పటితరానికి ఆమె అందం గురించి తెలియదు. కానీ, 90s కిడ్స్ ను అడిగితే ఆమెను ఎంతగా ఆరాదించేవారో చెప్పుకొస్తారు. రోజా చిత్రంలో పరువం వానగా అంటూ ఆమె ఆ వానలో తడుస్తుంటే అభిమానుల గుండెలు జారిపోయేవి. అల్లరి ప్రియుడు చిత్రంలో చెప్పకనే నేను చెప్తున్నా ఇదే ఇదే ప్రేమ అని ప్రేమలేఖ రాస్తే.. మాకోసమే అని మురిసిపోయిన కుర్రకారు ఎంతోమంది.. అలాంటి మధుబాల సడెన్ గా ప్రేక్షకులకు షాక్ ఇస్తూ పెళ్లి చేసుకొని ఇండస్ట్రీకి దూరమైంది. దాదాపు 15 ఏళ్ల వరకు ఆమె తెరపై కనిపించిందే లేదు. ఇక ఈ మధ్యనే రీ ఎంట్రీ ఇవ్వడం మొదలుపెట్టింది. అయితే అప్పటి లుక్.. ఇప్పుడు లేదు ఆమెలో. బక్కచిక్కిపోయి, ముఖంలో కళతప్పింది. అయినా రెట్టించిన ఉత్సహంతో ఆమె హీరోలకు తల్లిగానే కాకుండా లేడీ ఓరియెంటెడ్ వెబ్ సిరీస్ లు చేస్తూ మెప్పిస్తుంది. ప్రస్తుతం ఆమె స్వీట్ కారం కాఫీ అనే వెబ్ సిరీస్ లో నటిస్తోంది. ఈ ప్రమోషన్స్ లో భాగంగా మధుబాల ఆమె ఇండస్ట్రీని వదిలేయడానికి గల కారణం ఏంటో చెప్పి షాక్ ఇచ్చింది.

Urvashi Rautela: పుష్ప 2 లో ఐటెం సాంగ్.. మూడు నిమిషాల కోసం అన్ని కోట్లా.. ?

” దాదాపు పాతికేళ్ల క్రితం జరిగిన ఒక సంఘటన. బాలీవుడ్ లో 90 వ దశకంలో పరిస్థితులు చాలా దారుణంగా ఉండేవి. హీరోలు యాక్షన్ కోసమే అని చెప్పేవారు. హీరోయిన్లకు డ్యాన్స్, రొమాన్స్,డైలాగ్స్ ఇవేమి ఉండేవి కాదు. రోజా సినిమా తరువాత అలాంటి పాత్రలు రాలేదు. అలా ఉన్న సమయంలో బాలీవుడ్ నుంచి నాకు ఒక ఆఫర్ వచ్చింది. స్టార్ హీరో అజయ్ దేవగణ్ కు అమ్మగా చేయాలనీ.. నాకు ఇష్టం లేదు అని చెప్పాను. ఎందుకంటే.. మా ఇద్దరిది ఇంచుమించు ఒకటే వయస్సు. ఆయనతో కలిసి హీరోయిన్ గా ఒక సినిమా కూడా చేశాను. అలాంటింది అతని కి అమ్మగా చేయడం ఏంటి అని అనిపించింది. ఇక నాకు 9-10 ఏళ్లకే ఇండస్ట్రీ వదిలేయాలనిపించింది. అది దేనివలన అవుతుంది అంటే పెళ్లి. వెంటనే ఇండస్ట్రీలోని పెద్దలకు లేఖ రాసి.. ఇక నుంచి సినిమాలు చేయను అని చెప్పేశా. ఇప్పుడు ఆలోచిస్తే అదంతా పిల్లతనం అనిపిస్తుంది. ఇప్పుడు ఇండస్ట్రీ మారింది. సీనియర్స్ కూడా హీరోయిన్స్ గా చేస్తున్నారు. అది ఆనందం” అంటూ చెప్పుకొచ్చింది.