Lingi Lingi Lingidi: సోషల్ మీడియాను ఒక ఊపు ఊపుతున్న లింగి లింగి లింగిడి సాంగ్

Lingi Lingi Lingidi Crosses 30 Million Views: కోట బొమ్మాళి పీఎస్ సినిమా నుంచి విడుద‌లైన లింగి లింగి లింగిడి అంటూ సాగిన శ్రీకాకుళం మాస్ జానపద పాటకు కొన్ని కోట్ల వ్యూస్ లభించడంతో పాటు సోషల్ మీడియాలో వైరల్ గా మారిన సంగతి తెలిసిందే. ప్రేక్షకుల్లో ఆసక్తిని పెంచిన ఈ పాట ఇటీవ‌లే 30 మిలియ‌న్స్ వ్యూస్ ను పూర్తి చేసుకున్న సంద‌ర్భంగా సినిమా యూనిట్ సెల‌బ్రేష‌న్స్ నిర్వ‌హించింది. 30 మిలియ‌న్స్ కేక్‌ను ఈ సంద‌ర్భంగా క‌ట్ చేసి త‌మ సంతోషాన్ని వ్య‌క్తం చేసింది చిత్ర‌బందం. GA2 పిక్చర్స్ బ్యానర్ మలయాళ సూపర్ హిట్ ‘నాయాట్టు’కి రీమేక్ గా కోట బొమ్మాళి పీఎస్ ను నిర్మించింది. ఈ సినిమాకి నిర్మాతలుగా బన్నీ వాస్, విద్యా కొప్పినీడి వ్యవహరిస్తుండగా తేజ మార్ని దర్శకుడు. శ్రీకాంత్ మేక ప్రధాన పాత్రలో నటిస్తున్న ఈ సినిమాలో వరలక్ష్మి శరత్‌ కుమార్‌ ఒక ప్రత్యేక పాత్రలో నటిస్తోంది.

Geetha Shankaram: గుప్పెడంత మనసు ముఖేష్‌గౌడ హీరోగా ‘గీతా శంకరం’.. ఫస్ట్‌లుక్‌ లాంచ్‌

రాహుల్ విజయ్, శివాని రాజశేఖర్ కీలక పాత్రలు పోషిస్తున్న ఈ సినిమా సాంగ్ 30 మిలియ‌న్స్ సాధించడం గమనార్హం. ఇక ఈ సెల‌బ్రేష‌న్ వేడుక‌లో పాల్గొన్న బ‌న్నీవాస్ మాట్ల‌డుతూ లింగి లింగి లింగిడి పాట‌కు వ‌చ్చిన స్పంద‌న అనూహ్యం అని సోష‌ల్ మీడియాలో వైర‌ల్‌గా వున్న ఈ పాట భ‌విష్య‌త్ లో మ‌రింత ఆద‌ర‌ణ నోచుకుంటుందని అన్నారు. ఇక ఇటీవ‌ల విడుద‌లైన టీజ‌ర్‌కు చ‌క్క‌ని స్పంద‌న వ‌స్తోందని, త‌ప్ప‌కుండా మా సినిమాకి ప్రేక్ష‌కులు విజ‌యాన్ని అందిస్తార‌నే న‌మ్మ‌కం వుందన్నారు. పాట 30 మిలియ‌న్స్ వ్యూస్ సాధించ‌డం త‌మ‌కెంతో ఆనందంగా ఉందని హీరో రాహుల్ విజ‌య్‌, హీరోయిన్ శివాని, నిర్మాత బ‌న్నీవాస్‌, విద్యా కొప్పినీడి, ద‌ర్శ‌కుడు తేజ మార్ని త‌మ ఆనందాన్ని వ్య‌క్తం చేస్తూ ప్రేక్ష‌కుల‌కు థ్యాంక్స్ తెలియ‌జేశారు. ఇక న‌వంబ‌రు 24న ఈ చిత్రం ప్ర‌పంచ‌వ్యాప్తంగా విడుద‌ల కానుంది.