పవిత్రా లోకేష్.. గత కొన్నిరోజులుగా సోషల్ మీడియాను షేక్ చేస్తున్న పేరు.. నటుడు నరేష్ తో నాలుగో పెళ్ళికి సిద్ధం అంటూ వచ్చిన వార్తలతో పవిత్రా లోకేష్ పేరు బయటికి వచ్చింది. ఇక అక్కడి నుంచి ఆమె పేరు నెట్టింట మారుమ్రోగిపోతోంది. నరేష్ తో రిలేషన్,
నరేష్ మీడియా ముందుకు రావడం, నరేష్ మూడో భార్య రమ్య ఆమెపై చేసిన ఆరోపణలు.. ఆ తరువాత నరేష్, పవిత్ర ఒకే హోటల్ లో కనిపించడం.. ఇలా పవిత్రా పేరు ట్రెండింగ్ లోకి మారిపోయింది. నరేష్ తనకు మంచి స్నేహితుడని, అతడికి తోడుగా ఎప్పటికి ఉంటానని పవిత్రా చెప్పుకు రావడం విశేషం.. ఇక ఇవన్నీ పక్కనపెడితే.. నరేష్ తో రిలేషన్ ఆమె కెరీర్ ను తొక్కేసిందా..? అంటే అవుననే అంటున్నారు ఇండస్ట్రీ వర్గాలు. ఇంత తతంగం జరిగాకా ఆమెకు అవకాశాలు రావడం దేవుడు ఎరుగు.. వచ్చితిన్ అవకాశాలు కూడా వెనక్కి వెళ్లిపోతాయని టాక్ నడుస్తోంది.
పవిత్రా టాలీవుడ్ లో స్టార్ నటి. స్టార్ హీరోలకు తల్లిగా, అత్తగా ఆమె నటనకు గుర్తింపు ఉంది. నటిగా ఆమెకు ఎంతోమంది అభిమానులు ఉన్నారు. అయితే ఈ గొడవ తరువాత ఆమెపై ఉన్న అభిమానం చాలామందికి తగ్గింది అంటున్నారు. అంతేకాకుండా ఇండస్ట్రీలో సైతం ఒక వ్యక్తిత్వం ఉన్న తల్లి పాత్రను ఇవ్వడానికి మొగ్గుచూపడం లేదని, ఇప్పటికే ఆమెను రెండు పెద్ద సినిమాల నుంచి తొలగించినట్లు వార్తలు వస్తున్నాయి. మరి ఈ వార్తలో నిజం ఎంత అనేది తెలియదు కానీ.. ఒకవేళ ఇదే కనుక నిజమైతే ముందు ముందు పవిత్రా కెరీర్ ముగిసినట్లే అని ఇండస్ట్రీ వర్గాల్లో టాక్ నడుస్తోంది. మరి ఈ విషయంపై పవిత్ర ఎలా స్పందిస్తుందో చూడాలి.
