Shiva Karthikeyan: మూడో సారి వంద కోట్లు కొల్లగొట్టనున్న యంగ్ హీరో
కోలీవుడ్ యంగ్ స్టార్ హీరో శివకార్తికేయన్ కి తమిళనాడులో సూపర్బ్ ఫాలోయింగ్ ఉంది, మోస్ట్ ఎమర్జింగ్ హీరోగా పేరు తెచ్చుకున్న శివ కార్తికేయన్ స్టార్ హీరోలకి కూడా పోటీ ఇచ్చే స్థాయికి ఎదుగుతున్నాడు. తెలుగులో నాని అంతటి పేరు తెచ్చుకున్న ఈ హీరో ‘డాక్టర్’, ‘డాన్’ సినిమాలతో రెండు బ్యాక్ టు బ్యాక్ వంద కోట్ల సినిమాలని ఇచ్చాడు. ఈ మూవీస్ తో కోలీవుడ్ లో శివ కార్తికేయన్ రేంజ్ ఎక్కడికో వెళ్లిపోయింది. శివ కార్తికేయన్ నుంచి సినిమా వస్తుంది అంటే చాలు పక్కా హిట్ పడుతుంది అనే నమ్మకం అందరిలోనూ ఉంది. ఇలాంటి సమయంలో అనుదీప్ కేవీతో ప్రిన్స్ సినిమా చేసిన శివ కార్తికేయన్ బయ్యర్స్ కి హ్యూజ్ లాస్ ని మిగిలించాడు. అంతకముందు భారి లాభాలని ఇచ్చిన హీరో, ప్రిన్స్ సినిమాతో కనీసం బ్రేక్ ఈవెన్ మార్క్ ని కూడా టచ్ చెయ్యలేకపోయాడు. దీంతో శివ కార్తికేయన్ పై ట్రేడ్ వర్గాలు, సినీ అభిమానులు పెట్టుకున్న నమ్మకానికి కాస్త ఇబ్బంది కలిగింది.
ఫ్లాప్ ఇవ్వడం అనేది ఏ హీరోకైనా మాములే కానీ నేను సోల్డ్ కంబ్యాక్ ఇస్తాను, నా పైన పెట్టుకున్న నమ్మకాన్ని నిలబెడతాను అంటూ శివ కార్తికేయన్ ఈసారి ‘మావీరన్’ సినిమాతో ఆడియన్స్ ముందుకి వచ్చాడు. జులై 14న రిలీజ్ అయిన ఈ మూవీని మడోన్ అశ్విన్ డైరెక్ట్ చేసాడు. కొత్త కథ, అంతే కొత్త కథనం మావీరన్ సినిమాని హిట్ చేసాయి. మొదటి రోజు మార్నింగ్ షో నుంచే హిట్ టాక్ స్ప్రెడ్ అవ్వడంతో శివ కార్తీకేయన్ కంబ్యాక్ ఇచ్చేసాడని కోలీవుడ్ మీడియా అనౌన్స్ చేసేసింది. మూడు రోజుల్లో 45 కోట్లు రాబట్టిన మావీరన్ సినిమా తెలుగులో మహావీరుడుగా రిలీజ్ అయ్యి, ఇక్కడ కూడా హిట్ టాక్ సొంతం చేసుకుంది. బేబీ సినిమా వల్ల మహావీరుడు కలెక్షన్స్ ఆశించిన స్థాయిలో లేవు కానీ తమిళనాడు బాక్సాఫీస్ దగ్గర మాత్రం మావీరన్ హవా కొనసాగుతూనే ఉంది. సెకండ్ వీక్ ఎండ్ అయ్యే టైంకి శివ కార్తికేయన్ ఖాతాలో మూడో వంద కోట్ల సినిమా ఉంటుందని ట్రేడ్ వర్గాలు ప్రిడిక్ట్ చేస్తున్నాడు. ఇదే జరిగితే శివ కార్తికేయన్ టయర్ 2 నుంచి టాప్ హీరోల రేస్ లోకి వచ్చేసినట్లే అవుతుంది.