Kalki 2898AD: అదికాదయ్య.. పుట్టినరోజు అయినా ఫేస్ చూపించొచ్చు కదా

Kalki 2898AD: పాన్ ఇండియా స్టార్ ప్రభాస్, దీపికా పదుకొనే జంటగా నాగ్ అశ్విన్ దర్శకత్వంలో తెరకెక్కుతున్న చిత్రం కల్కి 2898AD. వైజయంతీ మూవీస్ బ్యానర్ పై అశ్వినీదత్ ప్రతిష్టాత్మకంగా నిర్మిస్తున్నాడు. ఇక ఈ సినిమాలో లోక నాయకుడు కమల్ హాసన్ విలన్ గా నటిస్తుండగా.. అమితాబ్ బచ్చన్, దిశా పటానీ కీలక పాత్రల్లో నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, ఫస్ట్ గ్లింప్స్ ప్రేక్షకులను విశేషంగా ఆకట్టుకున్నాయి. మొదటి నుంచి కూడా ఈ సినిమాపై భారీ అంచనాలు పెట్టుకున్నారు అభిమానులు. ఇక ఈ సినిమాలో నటించిన నటీనటుల బర్త్ డేస్ వచ్చాయంటే.. ఆర్ట్ ఫామ్ ఫోటోలను షేర్ చేయడమే కానీ, కనీసం సినిమాలో లుక్ ను కూడా రిలీజ్ చేయడం లేదు.

VarunLav: నెట్ ఫ్లిక్స్ లో వరుణ్ – లావణ్య పెళ్లి వీడియో.. రూ. 8 కోట్లకు ఫిక్స్..?

ఇక నేడు కమల్ హాసన్ పుట్టినరోజున కూడా ఆర్ట్ ఫామ్ పోస్టర్ నే రిలీజ్ చేశారు. బ్లాక్ అండ్ వైట్ పోస్టర్ లో కమల్ ను చూపించారు. ప్రస్తుతం ఈ పోస్టర్ నెట్టింట వైరల్ గా మారింది. సైన్స్ ఫిక్షన్ కథలో సైంటిస్ట్ గానే కాకుండా హీరోకు అడ్డుగా నిలబడే వ్యక్తిగా కథలో అతని పాత్ర చాలా కీలకంగా ఉండబోతున్నట్లు తెలుస్తోంది. ప్రభాస్ కు ధీటుగా కమల్ నటన ఉండబోతుంది అని తెలుస్తోంది. ఇక ఈ పోస్టర్ చూసిన అభిమానులు.. అదికాదయ్య.. పుట్టినరోజు అయినా ఫేస్ చూపించొచ్చు కదా అని కామెంట్స్ పెడుతున్నారు. మరి ఈ సినిమాతో ప్రభాస్- కమల్ ఎలాంటి రికార్డులు సృష్టిస్తారో చూడాలి.