Ari: ఇస్కాన్ ప్రశంసలు అందుకున్న ‘అరి’

కనిపించే శత్రువుతో పోరాటం కంటే.. మనిషిలోని కనిపించని శత్రువుతో పోరాటం ఇంకా కష్టం. ప్రతి ఒక్కరిలో అంతర్గతంగా దాగి ఉండే కామ, క్రోధ, లోభ, మొహ, మద, మాత్సర్యాలతో పోరాటమే ‘అరి’ సినిమా. ‘అరి’షడ్వర్గాలు మనిషి పతనానికే కాకుండా ప్రకృతి వినాశనానికి దారి తీస్తుంటాయి. ఇలాంటి విభిన్న కథాశంతో ప్రేక్షకుల ముందుకు వస్తున్న చిత్రమే ‘అరి’. ‘పేపర్ బాయ్’ ఫేమ్ జయ శంకర్ దర్శకత్వంలో వస్తున్న చిత్రమే ‘అరి ‘. యూనివర్సిల్ కాన్సెప్ట్‌తో వస్తున్న ‘అరి’ చిత్రంలో మంగ్లీ పాడిన ‘చిన్నారి కిట్టయ్య’ సాంగ్‌కి అనూహ్య రీతిలో స్పందన లభించింది. కాసర్ల శ్యామ్ రచించిన ఈ పాటను సంగీత దర్శకుడు అనూప్ రూబెన్స్ స్వరపరిచారు. తాజాగా ఇస్కాన్ (ఇంటర్నేషనల్ సొసైటీ ఫర్ కృష్ణ కాన్సియస్నెస్) బెంగళూరు ప్రెసిడెంట్ మధు పండిట్ దాస ‘అరి’ చిత్ర దర్శకుడు జయ శంకర్‌ని అభినందించారు. కృష్ణ తత్వాన్ని ప్రభోదిస్తూ ‘అరి’ చిత్రాన్ని రూపొందించడంపై చిత్ర యూనిట్‌ను ప్రశంసించారు.

అంతకు ముందు భారత మాజీ ఉప రాష్ట్రపతి వెంకయ్య నాయుడు, కేంద్ర మంత్రి కిషన్ రెడ్డి, బీఆర్ఎస్ మంత్రి తలసాని శ్రీనివాస్ యాదవ్ తదితరులు ‘అరి’ చిత్ర ట్రైలర్, ‘చిన్నారి కిట్టయ్య’ సాంగ్‌ చూసి అభినందనలు తెలియజేశారు. కృష్ణ తత్వాన్ని కొత్త కోణంలో చూపిస్తూ.. ‘మనిషి ఎలా బతకకూడదు’ అనే అంశాన్ని ఆసక్తికరంగా చూపించారు తాజా ట్రైలర్‌లో. ‘మై నేమ్ ఈజ్ నో బడీ’ అనేది ఈ చిత్రానికి ఉప శీర్షిక కాగా.. ‘బ్యాడ్ ఈజ్ న్యూ గుడ్’ అనే క్యాప్షన్ ‘అరి’ చిత్రంపై ఆసక్తిరేకెత్తిస్తోంది. సాయికుమార్, సుభలేఖ సుధాకర్, అనసూయ, శ్రీకాంత్ అయ్యర్, సురభి ప్రభావతి, వైవా హర్ష ఈ ఆరుగురు ఆరు ఇంపార్టెంట్ రోల్స్‌లో కనిపించారు. వీరితో పాటు సుమన్, ఆమని, చమ్మక్ చంద్ర, శ్రీనివాస రెడ్డి ఇతర పాత్రలను పోషించారు. ఆర్వీ రెడ్డి సమర్పణలో ప్రేక్షకుల ముందుకు వస్తున్న ‘అరి’ చిత్రాన్ని శేషు మారంరెడ్డి, శ్రీనివాస్ రామిరెడ్డి నిర్మించారు.