Ooru Peru Bhairavakona: హమ్మ హమ్మ.. సందీప్ కిషన్ పాట మస్తుందమ్మా!

Humma Humma from Ooru Peru Bhairavakona Released: హీరో సందీప్ కిషన్, ట్యాలెంటెడ్ డైరెక్టర్ విఐ ఆనంద్ రెండోసారి కలిసి చేస్తున్న ఫాంటసీ అడ్వెంచర్ ‘ఊరు పేరు భైరవకోన’ రిలీజ్ కి సిద్ధం అవుతోంది. హాస్య మూవీస్ బ్యానర్‌పై రాజేష్ దండా నిర్మిస్తున్న ఈ సినిమాను ఎకె ఎంటర్‌టైన్‌మెంట్స్ బ్యానర్‌పై అనిల్ సుంకర సగర్వంగా సమర్పిస్తున్నారు. బాలాజీ గుత్తా సహ నిర్మాతగా వ్యవహరిస్తున్న ఈ సినిమాకి శేఖర్ చంద్ర సంగీతం అందించగా మొదటి సింగిల్ ‘నిజమే నే చెబుతున్నా’ వైరల్‌ అయి హిట్ అయ్యింది. ఈరోజు, మ్యూజికల్ ప్రమోషన్స్‌లో భాగంగా, మేకర్స్ రెండవ పాట- హమ్మా హమ్మా ను విడుదల చేశారు, ఈ పాట ఇది లీడ్ పెయిర్- సందీప్ కిషన్, వర్ష బొల్లమ్మపై చిత్రీకరించిన బ్యూటీఫుల్, పెప్పీ నంబర్.

Alekhya Harika: నక్క తోక తొక్కిన అలేఖ్య హారిక!

వర్ష బొల్లమ్మతో గాఢమైన ప్రేమలో ఉన్న సందీప్ కిషన్ ఆమె పట్ల తన భావాలను పాటలో అందంగా వ్యక్తం చేస్తున్నట్టు కనిపిస్తోంది. ఇక ఈ పాటలో సందీప్ కిషన్ ఉత్సాహంగా కనిపించగా, వర్ష అందంగా ఉంది మొత్తం మీద వీరిద్దరూ కలిసి ముచ్చటగా కనిపించారు. శేఖర్ చంద్ర, తిరుపతి జవానా సాహిత్యం అందించగా, రామ్ మిరియాల తన అద్భుతమైన వాయిస్ తో ఈ పాటకి అదనపు ఎనర్జీని తీసుకువచ్చారు. పాటలో విజువల్స్ అద్భుతంగా ఉన్నాయి. కావ్య థాపర్‌ మరో కథానాయికగా నటిస్తున్న ఈ చిత్రానికి రాజ్‌ తోట సినిమాటోగ్రఫీ అందించారు. ఛోటా కె ప్రసాద్ ఎడిటర్, ఎ రామాంజనేయులు ఆర్ట్ డైరెక్టర్ గా వ్యవహరిస్తున్న ఈ సినిమాకి భాను భోగవరపు, నందు సవిరిగాన ఈ సినిమాకి సంభాషణలు అందిస్తున్నారు.