Hi Nanna: మ్యూజిక్ తో మ్యాజిక్ చేయడానికి సిద్దమైన న్యాచురల్ స్టార్

Hi Nanna: న్యాచురల్ స్టార్ నాని, మృణాల్ ఠాకూర్ జంటగా శౌర్యవ్ దర్శకత్వంలో తెరకెక్కుతున్న చిత్రం హాయ్.. నాన్న. వైరా క్రియేషన్స్ బ్యానర్ పై మోహన్ చెరుకూరి, విజయేంద్ర రెడ్డి తీగల ఈ సినిమాను నిర్మిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. దసరా లాంటి బ్లాక్ బస్టర్ హిట్ తరువాత నాని మరోసారి జెర్సీలో నటించిన ఫాదర్ పాత్రలో కనిపిస్తున్నాడు. జెర్సీలో తండ్రీకొడుకుల బంధాన్ని చూపించగా.. ఇందులో తండ్రీకూతుళ్ల బంధాన్ని చూపించనున్నారు. ఈ చిత్రం కోసం నాని టోటల్ గా మారిపోయాడు. క్లీన్ షేవ్, గుబురు జుట్టుతో ఎంతో స్టైలిష్ గా కనిపించాడు. ఇక ఈ సినిమాకు హేషమ్ అబ్దుల్ వాహబ్ సంగీతం అందించాడు. మలయాళంలో హృదయం సినిమాకు సంగీతం అందించి ఇండస్ట్రీలో హాట్ టాపిక్ గా నిలిచిన హేషమ్ తెలుగులో ఖుషీ సినిమాతో ఎంట్రీ ఇచ్చాడు. ఇక ఇక్కడ కూడా భారీ బ్లాక్ బస్టర్ హిట్ ను సొంతం చేసుకున్నాడు.

Dhruva Sarja: సమాధి దగ్గర భార్య సీమంతం చేసిన హీరో.. ఎందుకంటే ..?

ఖుషీ అంత పెద్ద సక్సెస్ అయ్యింది అంటే.. అందులో మ్యూజిక్ ప్రధాన కారణమని చెప్పాలి. అలాంటి సంగీత దర్శకుడు హాయ్ నాన్నకు సంగీతం అందిస్తున్నాడు. ఇక తాజాగా ఈ సినిమాకు సంబంధించిన అప్డేట్ ను మేకర్స్ అభిమానులకు అందించారు. ఈ సినిమా మ్యూజిక్ తో మ్యాజిక్ చేయడానికి సిద్దమవుతున్నట్లు తెలిపారు. ఈ సినిమా నుంచి మొదటి సాంగ్ ను రిలీజ్ చేయనున్నట్లు తెలుపుతూ ఒక చిన్న ప్రోమోను రిలీజ్ చేశారు. ఈ ప్రోమోలో నాని, మృణాల్ మాత్రం కనిపించారు. ఇక ఈ ప్రోమోను నాని షేర్ చేస్తూ.. ” ఈ ఆల్బమ్ మీ పాదాల నుంచి తుడుచుకుంటూ వస్తుంది.. ఒక పాటతో ప్రారంభిద్దాం” అంటూ రాసుకొచ్చాడు. త్వరలోనే సాంగ్ ను రిలీజ్ చేయనున్నట్లు తెలిపాడు. మరి ఈ సినిమాతో నాని ఎలాంటి విజయాన్ని అందుకుంటాడో చూడాలి.

https://x.com/NameisNani/status/1701907841865720039?s=20