Vishwak Sen: కొత్త కారు కొన్న ‘పాగల్’ హీరో.. ధర తెలిస్తే దిమ్మ తిరగాల్సిందే
మాస్ కా దాస్ విశ్వక్ సేన్ గురించి ఎవరికి పెద్దగా పరిచయం చేయాల్సిన అవసరం లేదు. వివాదాలు ఈ హీరోను వెంటాడుతాయో.. లేక వివాదాలను వెత్తుకుంటూ ఈ హీరోనే వెళ్తాడో తెలియదు కానీ ఈ యంగ్ హీరో సినిమా రిలీజ్ ఉంది అంటే మాత్రం వివాదం వచ్చిపడ్డట్లే.. ఇటీవలే విశ్వక్.. అశోకవనంలో అర్జున కళ్యాణం చిత్రంతో డీసెంట్ హిట్ ను అందుకున్నాడు. దీంతో ‘పాగల్’ హీరో ఫుల్ ఖుష్ లో ఉన్నాడు. సినిమా రిలీజ్ కు ముందు ఒక ఛానెల్ యాంకర్ తో విశ్వక్ గొడవా పాడడం, అదికాస్తా వైరల్ గా మారడం తెలిసిందే. అయినా వివాదాన్ని లెక్కచేయకుండా సినిమాను ప్రేక్షకులు ఆదరించడంపై విశ్వక్ అభిమానులకు థాంక్స్ చెప్తూ వస్తూనే ఉన్నాడు. ఇక తాజాగా మరోసారి ఫ్యాన్స్ కు థాంక్స్ చెప్పాడు. ఈసారి ఎందుకు అంటే.. ఈ మాస్ కా దాస్ తాజాగా బెంజ్ కారు ఓనర్ గా మారిపోయాడు.
బెంజ్ జీ క్లాస్ 2022 మోడల్ టాప్ ఎండ్ కార్ ను విశ్వక్ సొంతం చేసుకున్నాడు. ఈ విషయాన్నీ ఆయనే స్వయంగా సోషల్ మీడియా ద్వారా తెలుపుతూ అభిమానులకు కృతజ్ఞతలు తెలిపాడు. “నా డ్రీమ్ కార్ ని నిన్ననే కొనుగోలు చేశాను. నాపై మీరు చూపిస్తున్న ప్రేమాభిమానాల వల్లే ఇది సాధ్యమైంది. నా జీవితంలో జరుగుతున్న ప్రతీ విషయానికి ఎంతో ఆనందంగా వున్నా” అంటూ కారుతో దిగిన ఫోటోలను షేర్ చేశాడు. ఇక ఈ కారు విలువ సుమారుగా రూ. 1.5 కోట్లు ఉంటుందని తెలుస్తోంది. దీంతో అభిమానులు విశ్వక్ కు శుభాకాంక్షలు తెలుపుతున్నారు. అయితే ఈ పోస్ట్ పై డైరెక్టర్ తరుణ్ భాస్కర్ ఫన్నీగా స్పందించాడు. “కారు నాదే ఫోటోలు దిగుతాను అంటే ఇచ్చా” అని కామెంట్ పెట్టాడు. ప్రస్తుతం ఈ ఫోటోలు నెట్టింట వైరల్ గా మారాయి.