Pushpa 2: ఆమె అసలు ‘రష్మిక కాదు ‘ఇషా’
స్టార్ హీరోల సినిమాల గురించి సోషల్ మీడియాలో జరిగే ప్రచారం మామూలుగా ఉండదు. ముఖ్యంగా సినిమా లీకులతో ఫ్యాన్స్ రచ్చ చేస్తుంటారు. తాజాగా పుష్ప2 నుంచి ఓ లీక్ బయటికొచ్చిందంటూ నానా రచ్చ చేస్తున్నారు. అచ్చు రష్మిక లాగే ఉండే ఓ ఫోటో నెట్టింట వైరల్గా మారింది. పుష్ప 2లో శ్రీవల్లి క్యారెక్టర్ చనిపోయినట్టుగా ఉందని ఆ ఫోటోని వైరల్ చేశారు. దీంతో ఇదేం ట్విస్ట్రా బాబు అంటూ బన్నీ ఫ్యాన్స్ హోరెత్తిపోయారు. మొదటి నుంచి కూడా పుష్ప 2 లో రష్మిక పాత్ర చనిపోతుందని, కొత్త హీరోయిన్ ఉంటుందనే ప్రచారం జరుగుతోంది. అందుకు ఈ ఫోటోనే సాక్ష్యం అని చెప్పుకొచ్చారు కానీ ఇందులో అసలు ఏ మాత్రం నిజం లేదు. అదిగో పులి అంటే.. ఇదిగో తోక అన్నట్టు.. ఓ మరాఠీ సినిమాలోని షార్ట్ను చూపించి.. శ్రీవల్లిని లేపేసినట్టుగా వైరల్ చేశారు.
“నయ్ వరణ్ భట్ లోంచా కోన్ నాయ్ కొంచ” అనే మరాఠీ సినిమా 2022లో రిలీజ్ అయ్యింది. ఇందులో హీరోయిన్ ఇషా దనేకర్ అనే అమ్మాయి హీరోయిన్ గా నటించింది. ఆ సినిమాలో ఇషా దనేకర్ పాత్ర చనిపోతోంది. ఈ సినిమాలోని ఫోటో క్లిక్ కట్ చేసి సోషల్ మీడియాలో షేర్ చేసి పుష్ప 2 సినిమాలోనిది అంటూ ప్రచారం చేస్తున్నారు. రష్మికకి ఇషాకి దగ్గర పోలికతో ఉండడంతో, ఆమె క్లోజప్ లో రష్మికలా కనిపించి ఉంటుంది. అసలు నిజం ఇదే తప్పా.. పుష్ప2 నుంచి ఎలాంటి లీకులు, ఎలాంటి ఫోటోలు బయటికి రాలేదు. ప్రస్తుతం పుష్ప2 షూటింగ్ శరవేగంగా జరుగుతోంది. పార్ట్ వన్ కంటే భారీగా పార్ట్2ని తెరకెక్కిస్తున్నాడు సుకుమార్. మైత్రీ మూవీ మేకర్స్ దాదాపు 350 కోట్ల బడ్జెట్తో ఈ సినిమాను నిర్మిస్తోంది. ఇటీవల రిలీజ్ చేసిన పుష్ప గ్లింప్స్కు భారీ రెస్పాన్స్ వచ్చింది. నెక్స్ట్ ఇయర్లో పుష్ప2 రిలీజ్ కానుంది.