Heart Of Stone Trailer: హాలీవుడ్ విలన్ గా అలియా.. అదరగొట్టేసింది అంతే

Heart Of Stone Trailer: బాలీవుడ్ బ్యూటీ అలియా భట్.. ఆర్ఆర్ఆర్ సినిమాతో తెలుగువారికి కూడా సుపరిచితురాలిగా మారిపోయిన విషయం తెల్సిందే. ఈ సినిమా తరువాత అమ్మడి రేంజ్ పూర్తిగా మారిపోయింది. ఇక రణబీర్ తో పెళ్లి.. పాప అంటూ కుటుంబానికి సమయాన్ని అందిస్తూనే.. ఇంకోపక్క హీరోయిన్ గా, నిర్మాతగా బిజీ లైఫ్ ను లీడ్ చేస్తోంది. గతేడాది అలియాకు హాలీవుడ్ మూవీలో ఆఫర్ వచ్చిన విషయం తెల్సిందే. గాల్ గాడోట్, జామీ డోర్నన్, సోఫీ ఒకోనెడో మాథియాస్ ష్వీగోఫర్ కీలక పాత్రల్లో నటించిన సినిమా హార్ట్ ఆఫ్ స్టోన్. టామ్ హార్పర్ దర్శకత్వంలో తెరకెక్కిన ఈ చిత్రంలో అలియా విలన్ గా నటిస్తోంది. ఆగస్టు 11 న నెట్ ఫ్లిక్స్ లో ఈ సినిమా స్ట్రీమింగ్ కానుంది. ఇకపోతే తాజాగా ఈ సినిమా ట్రైలర్ ను మేకర్స్ రిలీజ్ చేశారు. అంతమంది స్టార్ల మధ్య అలియా ఎంతో ప్రత్యేకంగా కనిపించింది. ముఖ్యంగా ఆమె విలనిజం ఆకట్టుకొంటుంది.

Raviteja: స్పీడుమీదున్న మాస్ మహారాజ.. ‘సితార’కి గ్రీన్ సిగ్నల్?

`ది హార్ట్` అని పిలుచుకునే ఒక ఏజెన్సీని కాపాడడానికి గాల్ గాడోట్, జామీ డోర్నన్ పోరాడుతుంటే.. దానిని అడ్డుకోవడానికి కియా ధావన్ అనే పాత్రలో అలియా కనిపించింది. ఇక ఛేజింగ్ లు, స్టంట్స్.. యాక్షన్ సన్నివేశాలతో ట్రైలర్ కట్ చేసిన విధానం ఆసక్తి రేపుతోంది. ముఖ్యంగా ఇద్దరు స్టార్ హీరోయిన్ల మధ్య పోటాపోటీ పోరాటం మరింత ఆసక్తిని రేకెత్తిస్తున్నాయి. ఈ ట్రైలర్ చూసాకా.. అలియాలో ఇలాంటి ఒక యాంగిల్ కూడా ఉందని అభిమానులు గుర్తిస్తారు అని చెప్పడంలో ఎటువంటి అతిశయోక్తి లేదు. ఇక ఈ సినిమా కనుక హిట్ అయితే అలియాకు హాలీవుడ్ లో వరుస అవకాశాలు ఖాయమంటున్నారు. మరి ఈ సినిమా అమ్మడికి ఎలాంటి విజయాన్ని అందిస్తుందో చూడాలి.