ఓటీటీ అనగానే క్రైమ్, వైలెన్స్, హర్రర్, థ్రిల్లర్ జోనర్ల సినిమాలే ఎక్కువగా కనిపిస్తున్నాయి. ఇలాంటి రొటీన్ కంటెంట్తో బోర్ కొట్టించిన ప్రేక్షకులకు ఒక రిఫ్రెషింగ్ చేంజ్లా వస్తోంది సరికొత్త వెబ్ సిరీస్ ‘హరిశ్చంద్ర కథ’. ఎలాంటి అంచనాలు లేకుండా ప్రముఖ ఓటీటీ వేదిక ‘ఆహా’లో స్ట్రీమింగ్ అవుతున్న ఈ 5 ఎపిసోడ్ల ఫీల్-గుడ్ డ్రామా ఇప్పుడు టాలీవుడ్లో చర్చనీయాంశంగా మారింది. మధ్యతరగతి కుటుంబాల నేపథ్యం, మన చుట్టూ రోజూ కనిపించే వ్యక్తుల జీవితాలను ప్రతిబింబించే పాత్రలతో ఈ సిరీస్ను తెరకెక్కించారు. ఒక సాధారణ యువకుడు తన జీవితంలో ప్రేమ, స్నేహం, కుటుంబ బాధ్యతలు, వయసుతో పాటు వచ్చే మార్పులను ఎలా ఎదుర్కొన్నాడనే సున్నితమైన అంశం చుట్టూ ఈ కథ తిరుగుతుంది. ఎక్కడా బోర్ కొట్టించకుండా సహజమైన నవ్వులు, హృదయానికి హత్తుకునే భావోద్వేగాలతో ఈ సిరీస్ సాగుతుంది.
కేవలం 11 రోజుల్లోనే ఈ ప్రాజెక్ట్ను పూర్తి చేసినప్పటికీ, మేకింగ్ పరంగా ఎక్కడా రాజీ పడకుండా చాలా క్వాలిటీగా ఈ సిరీస్ను రూపొందించారు. నిజమైన లొకేషన్లు, ఆకట్టుకునే సినిమాటోగ్రఫీ, ప్రాణం పెట్టే నేపథ్య సంగీతం ఈ సిరీస్ స్థాయిని మరింత పెంచాయి. కార్తీక్ కృష్ణ దర్శకత్వం వహించిన ఈ చిత్రానికి వాసు సినిమాటోగ్రాఫర్గా, నితిన్ బల్జా సంగీత దర్శకుడిగా వ్యవహరించారు. హరినాథ్ రాజ్ కంటముక్కల, హేమ గొర్లే, గోపీచంద్ అల్లా, అర్జున్ శ్రీనివాస్, శివ ప్రసాద్, ప్రవీణ్ కింతలి తదితరులు ప్రధాన తారాగణంగా నటించారు. సత్య యామిని, జాహ్నవి నాయపాటి, నితిన్ బల్జా తమ గాత్రంతో పాటలకు ప్రాణం పోశారు.