HBD Boyapati Srinu : ధనాధన్… బోయపాటి శ్రీను!
- Follow Us :
-
-
Add as a preferred
source on google
(ఏప్రిల్ 25న బోయపాటి శ్రీను పుట్టినరోజు)
తెలుగు చిత్రసీమలో ఈ తరం మాస్ మసాలా డైరెక్టర్ ఎవరంటే బోయపాటి శ్రీను పేరు ముందుగా వినిపిస్తుంది. ఆయన అన్నిచిత్రాలలోనూ యాక్షన్ ఎపిసోడ్స్ జనాన్ని విశేషంగా ఆకట్టుకుంటున్నాయి. ‘లెజెండ్’ చిత్రంతో ఉత్తమ దర్శకునిగా నంది అవార్డుకు ఎంపికైన బోయపాటి శ్రీ నుకు, బి.యన్. రెడ్డి అవార్డును కూడా ప్రకటించడం విశేషం!
గుంటూరు జిల్లా పెదకాకాని బోయపాటి శ్రీను స్వస్థలం. అక్కడే వారికి ఓ సొంత ఫోటో స్టూడియో ఉండేది. దాంతో శ్రీనుకు ఫోటోగ్రఫి అంటే ఎంతో ఇష్టం కలిగింది. కొంతకాలం ఈనాడు దినపత్రికకు ఫోటోగ్రాఫర్ గానూ పనిచేశారు శ్రీను. ఫోటోగ్రఫిపై ఉన్న ఆసక్తి సినిమాలవైపుకు మళ్ళింది. రచయిత పోసాని కృష్ణ మురళితో బంధుత్వం కారణంగా చిత్రసీమలో అడుగు పెట్టారు శ్రీను. పోసాని, బోయపాటిని దర్శకుడు ముత్యాల సుబ్బయ్య వద్ద అసిస్టెంట్ గా చేర్పించారు. సుబ్బయ్య వద్ద “గోకులంలో సీత, పెళ్ళిచేసుకుందాం, అన్నయ్య, పవిత్ర ప్రేమ, మనసున్న మారాజు” వంటి చిత్రాలకు అసోసియేట్ గా పనిచేశారు శ్రీను. తరువాత సొంతగా కథను రూపొందించుకొని దిల్ రాజును కలిశారు. శ్రీను కథ నచ్చడంతో దిల్ రాజు ‘భద్ర’ సినిమా నిర్మించారు. ఆ సినిమా బోయపాటి శ్రీనుకు మంచి పేరు సంపాదించి పెట్టింది. తరువాత వెంకటేశ్ తో ‘తులసి’ తెరకెక్కించి విజయం చూశారు. టాలీవుడ్ ఫ్యాక్షనిజానికి హీరోయిజం తీసుకు వచ్చిన బాలకృష్ణతో ‘సింహా’ రూపొందించిన బోయపాటి శ్రీనుకు అనూహ్య విజయం చేజిక్కింది. దాంతో బోయపాటి పేరు మరింతగా మారుమోగి పోయింది. తరువాత జూనియర్ యన్టీఆర్ తో ‘దమ్ము’తో దుమ్ము రేపారు. అల్లు అర్జున్ ను ‘సరైనోడు’గా తీర్చిదిద్ది మురిపించారు. బెల్లంకొండ సాయిశ్రీనివాస్ తో ‘జయ జానకీ నాయక’ తెరకెక్కించి అలరించారు. రామ్ చరణ్ తో ‘వినయ విధేయ రామా’ లోనూ ధనాధన్ ఫటాఫట్ అనిపించారు.
Also Read
- Sara Tendulkar Wedding: శుభ్మన్ గిల్ కాదు.. యువ హీరోతో సారా టెండూల్కర్ పెళ్లి?
- Chiranjeevi-Megaverse: 'మెగావర్స్'లో స్టార్ హీరోల సందడి.. ప్రభాస్, పవన్, చరణ్.. లిస్ట్ ఇంకా పెద్దదే!
- UNEXPECTED – SAFED SACH: దేశాన్ని కుదిపేసిన డెహ్రాడూన్ బస్సు ఘటనపై సినిమా
- Rashmika: ‘ఒసేయ్ రాములమ్మ’ అనగానే భయమేసింది.. మ్యాచ్ చేయలేం కానీ..!
బోయపాటి శ్రీను ఎన్ని సినిమాలు తెరకెక్కించినా, నటసింహ నందమూరి బాలకృష్ణతో ఆయన తీసిన చిత్రాలే జనాన్ని విశేషంగా అలరించాయి. బాలయ్య, బోయపాటి కాంబోలో రూపొందిన తొలి చిత్రం ‘సింహా’ అప్పట్లో 90కి పైగా కేంద్రాలలో శతదినోత్సవం చూసి, డైరెక్టుగా 200 రోజులు ఆడి అదరహో అనిపించింది. ఇక వారి కలయికలో తెరకెక్కిన రెండవ చిత్రం ‘లెజెండ్’ 2014 సార్వత్రిక ఎన్నికల సమయంలో విడుదలై అభిమానులను విశేషంగా ఆకట్టుకుంది. ఈ చిత్రం రెండు కేంద్రాలలో రోజూ 4 ఆటలతో వజ్రోత్సవం చూసిన ఏకైక చిత్రంగా నిలచింది. అందులో ఎమ్మిగనూరు – మినీ శివలో డైరెక్టుగా డైమండ్ జూబ్లీ జరుపుకుని చరిత్ర సృష్టించింది. దక్షిణాదిన వెయ్యి రోజులకు పైగా ప్రదర్శితమైన ఏకైక చిత్రంగానూ రికార్డు నెలకొల్పింది. ఇన్ని విధాలుగా బాలయ్య, బోయపాటి కాంబో అలరించింది. దాంతో వీరిద్దరి కాంబినేషన్ లో రూపొందిన ‘అఖండ’పై కూడా భారీ అంచనాలు నెలకొన్నాయి. అందుకు తగ్గట్టుగానే గత సంవత్సరం డిసెంబర్ 2న విడుదలైన ‘అఖండ’ అదరహో అంటూ విజయం సాధించింది. అలా బాలయ్యతో హ్యాట్రిక్ చూశారు బోయపాటి. ‘అఖండ’ చిత్రం 24 కేంద్రాలలో వందరోజులు చూసి, చిలకలూరి పేటలో డైరెక్ట్ గా సిల్వర్ జూబ్లీకి పరుగులు తీస్తోంది. ఓటీటీ, శాటిలైట్ ఫ్లాట్ ఫామ్స్ లో ‘అఖండ’ సందడి చేసినా, థియేటర్లలో ఇంకా సాగుతూ ఉండడం విశేషం!
ప్రస్తుతం హీరో రామ్ తో సినిమా తెరకెక్కిస్తున్న బోయపాటి, ‘అఖండ’కు సీక్వెల్ ఉందంటూ ప్రకటించారు. దాంతో మళ్ళీ ఫ్యాన్స్ లో ఉత్సాహం మొదలైంది. రాబోయే సినిమాలతో బోయపాటి ఏ స్థాయిలో అలరిస్తారో చూడాలి.
తాజావార్తలు
-
Shubman Gill 98: నెర్వస్ నైంటీస్.. గిల్ నాలుగోసారి.. 90ల్లో ఔటైన టీమిండియా కెప్టెన్స్ లిస్ట్ ఇదే!
-
IIT Kharagpur Turns 75: దేశాభివృద్ధిలో ఐఐటీ ఖరగ్పూర్ కీలక పాత్ర.. 75 ఏళ్ల ప్రస్థానంపై ప్రధాని మోడీ ప్రశంసలు!
-
అబ్బా ఏముంది మామ కారు.. 1,100 కి.మీ. రేంజ్, లెవల్-2 ADAS తో రానున్న JSW Combat..!
-
Adinarayana Reddy: డోంట్ కేర్ మంత్రి పదవి.. మా పిల్లల రాజీనామాలు ఆగవు.. నా రాజీనామా ఢిల్లీలోనే..!
-
MP Nishikant Dubey: ఏంటి!! మారుతి అసలు యజమాని సోనియా గాంధీ హా? బీజేపీ ఎంపీ సంచలన ఆరోపణలు..
ట్రెండింగ్
-
IND vs NZ: ముగిసిన మూడోరోజు ఆట.. 118 పరుగుల ఆధిక్యంలో భారత్.!
-
Royal Enfield బైక్ లవర్స్కు క్రేజీ న్యూస్.. 10 ఏళ్ల వారంటీ.. ఎక్స్ట్రా ఖర్చు లేకుండానే..!
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..