Teja Sajja: యువ దర్శకుడు ప్రశాంత్ వర్మ ఫస్ట్ ఒరిజినల్ ఇండియన్ సూపర్ హీరో చిత్రం ‘హను-మాన్’. తేజ సజ్జా టైటిల్ రోల్ ప్లే చేస్తున్న ఈ మూవీ టీజర్ ఇటీవలే విడుదలై, ట్రెమండస్ రెస్పాన్స్ ను సొంతం చేసుకుంది. ప్రశాంత్ వర్మ సినిమాటిక్ యూనివర్స్ నుంచి వస్తున్న తొలి సినిమా ఇది. ఈ మూవీ టీజర్ విడుదలైన దగ్గర నుండి యావత్ దేశం హనుమంతుని నామ జంపించేలా చేసింది. ఇటీవలే కేంద్రమంత్రి కిషన్ రెడ్డి దర్శకుడు ప్రశాంత్ వర్మ, తేజ సజ్జాలను ప్రత్యేకంగా అభినందించారు. టీజర్ కి వచ్చిన రెస్పాన్స్తో ఆనందంలో ఉన్న వీరు ప్రమోషనల్ క్యాంపెయిన్ ను ప్రారంభించడానికి ఆధ్యాత్మిక యాత్రకు బయలుదేరారు. నిన్న ప్రశాంత్ వర్మ, తేజ అయోధ్య వెళ్ళి, బాల రాముడిని దర్శించుకున్నారు.
అమృత అయ్యర్ కథానాయికగా నటిస్తుండగా ఈ క్రేజీ పాన్ ఇండియా చిత్రాన్ని ప్రైమ్ షో ఎంటర్ టైన్ మెంట్ పతాకంపై కె నిరంజన్ రెడ్డి ప్రతిష్టాత్మకంగా నిర్మిస్తున్నారు. శ్రీమతి చైతన్య దీనికి సమర్పకురాలు. ప్రస్తుతం పోస్ట్ ప్రొడక్షన్ వర్క్ లో ఉన్న ఈ సినిమాలో వరలక్ష్మి శరత్కుమార్ , వినయ్ రాయ్, రాజ్ దీపక్ శెట్టి కీలక పాత్రల్లో కనిపించనున్నారు. గౌరహరి, అనుదీప్ దేవ్, కృష్ణ సౌరభ్ ఈ చిత్రానికి సౌండ్ట్రాక్లను అందిస్తున్నారు.
