వరల్డ్ ఆఫ్ ‘గని’ అంటూ ఆసక్తికర అప్డేట్
- Follow Us :
-
-
Add as a preferred
source on google
వరుణ్ తేజ్ తొలిసారి బాక్సర్‌గా నటిస్తున్న స్పోర్ట్స్ డ్రామా “గని”. వరుణ్ అభిమానులతో పాటు స్పోర్ట్స్ మూవీ లవర్స్ ఎప్పుడెప్పుడా అని ఎదురు చూస్తున్న చిత్రం ‘గని’. మేకర్స్ ఈ రోజు ‘గని’ ప్రపంచాన్ని ప్రేక్షకులకు పరిచయం చేశారు. సునీల్ శెట్టి, నవీన్ చంద్ర, ఉపేంద్ర, తనికెళ్ల భరణి, నరేష్, నదియా, ఇతరులు ఈ చిత్రంలో కీలక పాత్రలు పోషిస్తున్నారు. వారికి సంబంధించిన పాత్రలను రివీల్ చేశారు. అంతేకాదు ఈ చిన్న వీడియోలో ఈ నెల 15న టీజర్‌ను భారీగా విడుదల చేయనున్నట్లు మేకర్స్ వెల్లడించారు. డిసెంబర్‌లో విడుదల కానున్న ఈ చిత్రానికి తమన్‌ సంగీతం అందించారు.
Read Also : సోనూసూద్ ను వెనుక కోటి మంది!
సయీ మంజ్రేకర్ హీరోయిన్ గా నటిస్తున్న ఈ స్పోర్ట్స్ డ్రామా చిత్రాన్ని అల్లు బాబీ నిర్మించగా, కిరణ్ కొర్రపాటి దర్శకత్వం వహిస్తున్నారు. జార్జ్ సి. విలియమ్స్ సినిమాటోగ్రఫర్ గా చేస్తున్నారు. ఈ మూవీకి సంబంధించిన హైలైట్ ఏమిటంటే బాక్సింగ్ నేపథ్యంలో తెరకెక్కిన ‘గని’కి హాలీవుడ్ స్టంట్ మాస్టర్స్ లార్నెల్ స్టోవల్, వ్లాడ్ రింబర్గ్ ఫైట్స్ ను కంపోజ్ చేశారు. కిరణ్ కొర్రపాటి కథను అందించడంతో పాటు మెగాఫోన్ చేతపట్టాడు. ఇక ఇప్పటికే ఈ సినిమా నుంచి వచ్చిన అప్డేట్స్ ప్రేక్షకుల్లో ఆసక్తిని పెంచగా ఇప్పుడు టీజర్ కోసం ఎదురు చూస్తున్నారు మెగా ఫ్యాన్స్.