Galla Siddharth: మహేష్ కుటుంబం నుంచి మరో హీరో ఎంట్రీ?

Siddharth Galla debut as a hero in tollywood: సినీ పరిశ్రమలో వారసులు ఎంట్రీ ఇవ్వడం ఈ మధ్యకాలంలో సర్వసాధారణం అయిపోయింది. నటీనటుల పిల్లలు ఇతర టెక్నీషియన్ల పిల్లలు నటీనటులుగా మారడం లేదా టెక్నీషియన్లుగా సినీ పరిశ్రమలో ఉన్న 24 క్రాఫ్టులలో తమకు నచ్చిన వాటిని ఎంచుకోవడం జరుగుతూనే ఉంది. అయితే టెక్నీషియన్లుగా రాణిస్తున్న వారు కొంతమంది ఉంటే నటీనటులుగా మారదామని వచ్చి సక్సెస్ అయిన వారు ఉన్నారు, ఇంకా రాక్షస ప్రయత్నం చేస్తూ సక్సెస్ అయ్యేందుకు ప్రయత్నాలు చేస్తున్న వారు కూడా ఉన్నారు. ఇక సూపర్ స్టార్ మహేష్ బాబు కుటుంబం నుంచి మరో హీరో ఎంట్రీ ఇవ్వబోతున్నట్లు టాలీవుడ్ వర్గాల్లో ప్రచారం జరుగుతుంది. ఆయన ఎవరో కాదు మహేష్ సోదరి గల్లా పద్మావతి కుమారుడు గల్లా సిద్ధార్థ. గల్లా జయదేవ్ గల్లా పద్మావతి దంపతులకు పెద్ద కుమారుడు గల్లా అశోక్ హీరో అనే సినిమాతో టాలీవుడ్ లో హీరోగా ఎంట్రీ ఇచ్చారు.

Niharika Konidela: మెగాడాటర్ నిహారిక-చైతన్య విడాకుల ప్రక్రియ పూర్తి?

ఆ సినిమా ఆకట్టుకోకపోయినా కలెక్షన్స్ మాత్రం సినిమాకి నష్టం లేకుండా వచ్చాయి. ప్రస్తుతానికి ఆయన తెలుగులో రెండు సినిమాలు లైన్లో పెట్టి షూట్ చేస్తున్నాడు. ఇదిలా ఉండగా ఆయన సోదరుడు గల్లా సిద్ధార్థ కూడా టాలీవుడ్ లో హీరోగా ఎంట్రీ ఇచ్చేందుకు ప్రయత్నాలు చేస్తున్నట్లు టాలీవుడ్ వర్గాల్లో ప్రచారం జరుగుతోంది. అందుకోసం ఆయన యాక్టింగ్ ట్రైనింగ్ కూడా తీసుకున్నాడని చెబుతున్నారు. ఆయన మొదటి సినిమాని మహేష్ బాబు, అల్లు అర్జున్ వంటి వారిని లాంచ్ చేసిన రాఘవేంద్రరావు చేతుల్లో గల్లా కుటుంబం పెట్టినట్లుగా ప్రచారం జరుగుతోంది. ఇప్పటికే ఈ సినిమాకి సంబంధించిన కథ కూడా ఫైనల్ అయిందని ప్రస్తుతానికి ఈ సినిమాకు సంబంధించిన ప్రీ ప్రొడక్షన్ పనులు జరుగుతున్నాయని తెలుస్తోంది. ఇద్దరు హీరోయిన్లలో ఒకరిగా శ్రీలీలను తీసుకోవాలని తద్వారా సినిమా మీద హైప్ క్రియేట్ అవుతుందని భావిస్తున్నట్లుగా చెబుతున్నారు. అయితే ఇందులో నిజాలు ఎంతవరకు ఉన్నాయో తెలియదు కానీ ఈ మేరకు ప్రచారం అయితే టాలీవుడ్ వర్గాల్లో పెద్ద ఎత్తున జరుగుతోంది.